Dalanews سٶي دەپ گەپٸرگەن ساياساتتانۋشى اندرەي گروزيننٸڭ سٶزٸن وقىرمان نازارىنا ۇسىنادى.
ونىڭ ايتۋىنشا اقش مەمحاتشىسىنىڭ ورىنباسارى ۋزرا زەيدٸڭ قازاقستانعا كەلٸسٸ تەگٸن ەمەس. اق ٷي ٶكٸلٸ اقوردانى رەسەيدەن اۋلاق جٷرۋگە كٶندٸرٸپ, كرەملدەن الىستاي تٷسۋگە كەڭەس بەرگەن.
"رەسەيگە سالىنعان سويقان سانكتسييالاردان ٷرەيٸ ۇشاتىن وداقتاسىمىز اقش-تىڭ ايتقانىنان شىعا الار ەمەس. قازاقتار سانكتسيياعا ۇشىراعىسى جوق, سوندىقتان ساق قيمىلدايدى. ورىس كومپانييالارىن ەلگە شاقىرۋعا باتپاي وتىر, بٷيتەر بولسا رەسەيدٸڭ سىبايلاسى دەگەن ساناتقا كٸرەدٸ. مۇنىڭ سالدارى قانداي بولارىن قازاقتار كٶرٸپ-بٸلٸپ وتىر", – دەيدٸ گروزين مىرزا.
...
ونىڭ پٸكٸرٸنشە قازاق ەليتاسى باتىستاعى كاپيتالى بۇعاتتالىپ, دٷنيە-مٷلكٸ تەركٸلەنگەن رەسەيلٸك باي-باعلانداردىڭ كٷيٸن كەشكٸسٸ كەلمەيدٸ. قازاقستان رەسەيدٸ اشىقتان-اشىق قولدار بولسا, ەلگٸندەي ەرەكەتكە بارۋ قيىندىق تۋعىزبايدى.
سٶي دەگەن گروزين: "قازاقستان ەشكٸممەن قاق-سوعى ۇستانىمنان تايماۋعا تىرىسۋدا. سونىڭ ٶزٸندە باتىستىڭ ىعىنا جىعىلىپ, رەسەيدەن الشاقتاپ بارادى" دەپ سانايدى.
"اقوردانى تەۋبەسٸنە تٷسٸرەتٸن كەز كەلگەن شىعار. قازاقستان ەكسپورتىنىڭ 90 پايىزى رەسەي اۋماعىمەن ٶتەدٸ. وسى ارنانىڭ اۋزىن بۋسا, بەلكٸم, قازاق بيلٸگٸنٸڭ ەسٸ كٸرەر. مۇنداي ەلسٸز وداقتاستىڭ "ەركەلٸگٸن" قاشانعى كەشٸرە بەرەمٸز?!", – دەيدٸ ول.
...
ساراپشى باتىس باسىلىمدارىنا سۇحبات بەرٸپ, دەموكراتييالىق قۇندىلىقتاردى تٶرگە وزدىرعان توقاەۆتىڭ پوزيتسيياسىن تٷسٸنبەي وتىرعانىن ايتادى. ول دوس پا, دۇشپان با, ەلٸ دە انىق ەمەس دەپ پايىمدايدى.
گروزيننٸڭ ايتۋىنشا قاڭتار دٷربەلەڭٸندە توقاەۆتى قۇتقارىپ قالعان جالعىز ادام - پۋتين.
"توقاەۆ مەسكەۋدٸڭ سەنٸمٸمەن شىعا قويعان جوق. باتىس ٶركەنيەتٸ ونى ەلٸ كٷنگە دەيٸن رەسەيشٸل ساياساتكەردٸڭ قاتارىا قوسادى. وعان ەل ٸشٸندە ٷلكەن قىسىم جاسالۋدا...", – دەگەن گروزين "قىسىم جاساپ جاتقان" اۋديتورييانىڭ اتىن اتاۋدان قايمىعىپتى.
قازاقتٸلدٸ اۋديتورييانىڭ باسىم بٶلٸگٸ پۋتيننٸڭ شاپقىنشىلىعىن قولدامايدى. قاڭتار تٶڭكەرٸسٸ ارقىلى ەلدەگٸ ٶزگەرٸسكە قوزعاۋ سالعان قازاقتٸلدٸ ورتا ەل بيلٸگٸنٸڭ رەسەيدٸڭ سٶزٸن سٶيلەگەنٸن قۇپتامايدى. ول راس.
...
ال گروزيننٸڭ ايتۋىنشا قازاقستانداعى ايىرتٸلدٸ اۋديتوريياعا باتىستىڭ ٷكٸمەتتٸك ۇيىمدارى گرانت تاراتىپ, بايقاۋ ۇيىمداستىرىپ, پەيٸلٸن بۇزعان. باتىستىڭ استاۋىنان جەم جەگەن ەسٸرە ۇلتشىلدار ەپ-سەتتە قاۋلاپ ٶسٸپ شىعىپ, حالىقتى رەسەيگە قارسى قويىپتى.
"توقاەۆ باتىسشىل توپتىڭ ايتقانىنان اسا الماي وتىر. رەسەيدٸڭ سٶزٸن سٶيلەيٸن دەسە, اقش پەن باتىستىڭ ارباۋىنا تٷسكەن قاۋىمنىڭ تاباسىنا قالادى. مەسكەۋ مۇنى كٶرمەي, بٸلمەي وتىرعان جوق. سوڭعى كەزدەرٸ تىم كٶسەمسي باستاعان كٶرشٸسٸنە كەڭشٸلٸك تانىتا ما, جوق پا ول جاعى كرەمل باسشىلارىنىڭ كٶڭٸل-كٷيٸنە بايلانىستى", – دەپتٸ تٷيٸندەپتٸ گروزين.
دۋمان بىقاي
