بۇل جٶنٸندە ۆۋچيچ RTS ۇلتتىق تەلەكانالىندا مەلٸمدەدٸ. "پرەزيدەنت پۋتين مەن سەرگەي لاۆروۆ مەنٸڭ الدىمدا ەشقاشان كەشٸرٸم سۇراعان ەمەس. بٸراق زاحاروۆا ٷشٸن ەكەۋٸ دە كەشٸرٸم سۇرادى. بٸزدٸڭ قارىم-قاتىناسىمىز جاقسى دەپ ەسەپتەيمٸن. بولعان جايت مەن ٷشٸن ماڭىزدى ەمەس", - دەپ الەكساندر ۆۋچيچ سٶزدەرٸنە سٸلتەمە جاسايدى ريا نوۆوستي اگەنتتٸگٸ.
"پوديوم" باسىلىمىنىڭ جازۋىنشا, كرەمل باسپاسٶز حاتشىسى دميتريي پەسكوۆ پۋتيننٸڭ ۆۋچيچ الدىندا كەشٸرٸم سۇراعانىن راستادى.
بەيسەنبٸ كٷنٸ ەكٸ ەل پرەزيدەنتٸ زاحاروۆانىڭ فەيسبۋكتە جارييالاعان پوستىنان كەيٸنگٸ ديپلوماتييالىق جانجالدان سوڭ بٸرٸنشٸ رەت تەلەفون ارقىلى سٶيلەسكەنٸ حابارلاندى.
رەسەي سىرتقى ٸستەر مينيسترلٸگٸنٸڭ رەسمي ٶكٸلٸ مارييا زاحاروۆا سەربييا پرەزيدەنتٸ الەكساندر ۆۋچيچ پەن اقش پرەزيدەنتٸ دونالد ترامپتىڭ اق ٷيدە كەزدەسۋٸنٸڭ سۋرەتٸن جارييالاعان. سۋرەتتە ۆۋچيچ كابينەت ورتاسىندا ورىندىقتا وتىر. ال ترامپ ستولدىڭ ارعى بەتٸندە قاراما-قارسى وتىر. مارييا زاحاروۆا جانىنا "باستى ينستينكت" فيلمٸنەن ٷزٸندٸ كەلتٸرگەن.
وندا فيلمدەگٸ كادردەن ٷزٸندٸ كەلتٸرٸپ, "ەگەر سٸزدٸ اق ٷي شاقىرسا, ورىندىقتى وسىلاي قويسا, #2 سۋرەتتەگٸدەي وتىرىڭىز" دەپ جازعان.
الەكساندر ۆۋچيچ مارييا زاحاروۆانىڭ پوستىن دٶرەكٸ ەرٸ قارابايىر دەپ اتادى. بۇل پوست بٸرقاتار سەرب ساياساتكەرلەرٸنٸڭ اشۋىن تۋعىزدى.
زاحاروۆا ارتىنشا كەشٸرٸم سۇرادى.
كرەمل باسپاسٶز قىزمەتٸنٸڭ اقپاراتىنا قاراعاندا, پۋتين مەن ۆۋچيچ كوسوۆوداعى پروبلەمالاردى رەتتەۋ مەسەلەسٸن تالقىلاعان.
