ۇشاقتاعى جالعىز ايەل، 39 جاسار بورتسەرىك كريستينا راسپوپوۆانىڭ قازاقستان تۋماسى دەپ حابارلايدى Dalanews.kz
كريستينانىڭ اعاسى ەۆگەنيي راسپوپوۆ چەليابى وبلىسى پروكۋرورىنىڭ ورىنباسارى. ەكەۋى دە ەسەيە كەلە رەسەيگە كوشىپ كەتكەن.
كريستينا اعاسىنىڭ كومەگىمەن ءپريعوجيننىڭ جەكەمەنشىك ۇشاعىنا بورتسەرىك بولىپ ورنالاسقان.
اپاتتىڭ الدىندا كريستينا رەيستى تۇسىنىكسىز سەبەپپەن كەشىكتىرىپ جاتقانىنا شاعىم ايتقان.
ال پۋتين ءپريعوجيننىڭ قازاسىنا بايلانىستى كوڭىل ايتىپ، "قاساپشىلاردىڭ" جەتەكشىسىن "تاعدىرى قيىن، تالانتتى ادام بولدى" دەدى.
"پريگوجيندى 90-جىلداردان بەرى تانيمىن. ول تاعدىرى اۋىر، ۇلكەن قاتەلىك جاساعان كەزدەرى دە كوپ، سونىمەن بىرگە ءوز ماقساتتارىنا جەتە العان تالانتتى كاسىپكەر بولدى"، - دەدى پۋتين.
ساراپشىلار پريگوجيننىڭ ەكى اي بۇرىنعى بۇلىگىن ەسكە الىپ، ورىس بيلىگى ادەيىلەپ ونىڭ كوزىن قۇرتۋى مۇمكىن دەگەندى ايتىپ جاتىر.
