مەجٸلٸس دەپۋتاتى ەرمۇرات باپي باس پروكۋرور بەرٸك اسىلوۆقا دەپۋتاتتىق ساۋال جولداپ, نۇربول نازارباەۆقا قاتىستى داۋلى مەسەلەلەردٸ جايىپ سالدى, دەپ حابارلايدى Dalanews.kz.
ٶتكەن اپتادا دەپۋتات رينات زايىت تا نۇربول نازارباەۆتىڭ مٷلكٸن تەكسەرۋدٸ سۇرادى. ەرمۇرات باپيدٸڭ ايتۋىنشا, نۇربول نازارباەۆقا قارسى مەجٸلٸس تاراپىنان نەمەسە دەپۋتاتتار ٶزارا ۇيىمداستىرعان ەشقانداي جوسپارلى ەرەكەت جوق.
"مۇنى تەك اتىشۋلى ەۋلەت ٶكٸلدەرٸنٸڭ ەلدە 30 جىلعا جۋىق جاساعان قيياناتتى قىساستىعى مەن زاڭسىزدىقتارىنان زارداپ شەكەن ازاماتتارعا قاتىستى ەدٸلەتتٸلٸكتٸ ورناتۋدىڭ عانا ەرەكەتٸ دەپ تٷسٸنۋ كەرەك.تيٸستٸ مەملەكەتتٸك ورگانداردا وسى دەپۋتاتتىق ساۋالداردا قوزعالاتىن مەسەلەلەرگە ەدٸلەتتٸلٸكتٸ قالىپتاستىرۋعا دەگەن ىقىلاستى جەنە تاباندى ۇستانىم بولۋى تيٸس دەپ ەسەپتەيمٸز. ەگەر مٷددەلٸ قۇقىق قورعاۋ ورگاندارى ازاماتتار اتىنان جولدانعان كٶز جاسقا تولى ٶتٸنٸشتەردٸ جىلى جاۋىپ قوياتىن بولسا, بۇنى پرەزيدەنت توقاەۆتىڭ "ەدٸلەتتٸ قازاقستاندى" قالىپتاستىرۋ باستاماسىنا قارسى جاسالعان ناقاق قاستىق دەپ تٷسٸنۋ كەرەك!" - دەدٸ ول.
ونىڭ سٶزٸنشە, ٶزٸنە نۇربول نازارباەۆتىڭ بيزنەستٸ رەيدەرلٸك جولمەن تارتىپ الۋ ەرەكەتتەرٸنە قاتىستى بۇعان دەيٸن دە بٸرنەشە ٶتٸنٸش كەلٸپ تٷسكەن. ولاردىڭ بٸرقاتارىن بۇرىن جازباشا تٷردە باس پروكۋروردىڭ اتىنا جولداعان.
"ەدٸلەت ٸزدەگەن بٸر ەمەس, ەكەۋ ەمەس, بٸر مىڭنان اسا ادامنان – الماتى وبلىسى, قاراساي اۋدانى, بۇرىنعى كامەنسكوە مال اسىلداندىرۋ زاۋىتى جۇمىسشىلارىنىڭ اتىنان كەلٸپ تٷسكەن ٶتٸنٸشتٸ مەن ٷش رەت دەپۋتاتتىق ساۋال رەتٸندە جولداعانىم وسىندا وتىرعان ەرٸپتەستەرٸمنٸڭ ەسٸندە بولار. "مىقتىنىڭ ارتى ديٸرمەن تارتادى" دەگەندەي, اعاسىن ارقالانعان نۇربول نازارباەۆ بٷكٸل بٸر كەڭشار جۇمىسشىلارىنىڭ جەكەشەلەندٸرۋگە بەرٸلگەن 9 مىڭ گەكتاردان اسا جەر ٷلەسٸن تارتىپ العانى جٶنٸندەگٸ مەنٸڭ دەپۋتاتتىق ساۋالىم باس پروكۋروردىڭ الدىندا دا سٶز بولعان ەدٸ. بٸراق ودان ەدٸلەتكە لايىق نەتيجە بولمادى.
مٸنە, سول "مىقتى" نۇربول نازارباەۆ جاساعان زورلىقتان اراشا سۇراپ, رەيدەرلٸك جولمەن تارتىپ الىنعان بيزنەسٸن قايتارىپ بەرۋدٸ ٶتٸنگەن قاراعاندىلىق قۋات ەرمەنتاەۆ دەگەن ازاماتتان تاعى دا ٶتٸنٸش تٷستٸ. بۇل جٸگٸت سول رەيدەرلٸك شابۋىلدان كەيٸن بارلىق مٷلكٸنەن ايىرىلىپ, تاقىرعا وتىرىپ قالعان", - دەيدٸ باپي.
دەپۋتاتتىڭ سٶزٸنشە, بٸر قىزىعى, ٶتٸنٸش بەرۋشٸنٸڭ تالابى بويىنشا 2022 جىلى الماتى قالاسىنىڭ پروكۋراتۋراسى مەن الماتى قالاسى بويىنشا ەكونوميكالىق تەرگەپ-تەكسەرۋ دەپارتامەنتٸ ونىڭ مٷلكٸن, اتاپ ايتقاندا "PORUS" جشس-دەگٸ ٷلەسٸن رەيدەرلٸك باسىپ الۋ فاكتٸسٸ بويىنشا قىلمىستىق ٸس قوزعاعان ەكەن.
"بٸراق بەلگٸلٸ سەبەپتەرگە بايلانىستى مەن ول كەزدە رەيدەرلٸك باسىپ الۋ نۇربول نازارباەۆتىڭ نۇسقاۋى بويىنشا جاسالدى دەپ ايتا المادىم" دەيدٸ مەنٸڭ دەپۋتاتتىق قابىلداۋىمدا بولعان ٶتٸنٸش يەسٸ. بٸراق ارادا ەكٸ جىل ٶتكەندە, ياعني 2024 جىلى الماتى قالاسىنىڭ پروكۋراتۋراسى قوزعالعان قىلمىستىق ٸستٸ "قىلمىس قۇرامىنىڭ بولماۋىنا بايلانىستى" دەگەن جەلەۋمەن توقتاتقان. سەبەبٸ ايتپاسادا دا تٷسٸنٸكتٸ: پروكۋراتۋرا نازارباەۆتاردىڭ دەگەنٸن ورىنداعان. ...زاڭسىزدىقتان زەبٸر كٶرگەن ازاماتتارعا قورعان بولايىق, باس پروكۋرور مىرزا!" - دەدٸ ول.
