– مەملەكەت باسشىسىنىڭ تۇركىستانعا ەرەكشە مارتەبە بەرۋ تاپسىرماسىنا بايلانىستى جۇمىستار باستالىپ كەتتى. بۇل جۇمىستار وبلىس اكىمى دارحان امانگەلدى ۇلىنىڭ تىكەلەي باقىلاۋىندا. ارنايى جۇمىسشى توپ قۇرىلىپ، ونىڭ قۇرامىنا وزدەرىڭىز ەنىپ وتىرسىزدار.
مەملەكەتتىك ورگان وكىلدەرى جۇمىستى ۇيلەستىرگەنىمەن، ءبىز بۇل اسا ماڭىزدى باستامانى جۇزەگە اسىراردا ءاربىر ۇسىنىستى نازاردا ۇستاۋىمىز كەرەك.
ويتكەنى ءار سالانىڭ ءوز ماماندارى، زەرتتەۋشىلەرى بار. تۇركىستانعا ەرەكشە مارتەبە بەرۋ باستاماسى – تاريحي شاھار ءۇشىن وتە ماڭىزدى. ال ول قالاي جۇزەگە اسۋى كەرەك؟ ءمان-ماعىناسى، نەگىزگى يدەولوگيالىق جانە ەكونوميكالىق باعىتتارى قانداي بولادى؟ بۇل ابدەن ەكشەلىپ، ارنايى قۇجاتتار ارقىلى رەسىمدەلۋى ءتيىس.
ال ول ءۇشىن تاريحشىلار، ارحەولوگتار، رۋحانيات سالاسىنىڭ وكىلدەرى، تۋريزم سالاسىنىڭ بىلگىرلەرى، زاڭگەرلەر، ياسساۋيتانۋشىلار، ساۋلەتشى-ارحيتەكتورلار مەن جالپى تۇركىستان جاناشىرلارىنىڭ، عالىمدار مەن زەرتتەۋشىلەردىڭ پىكىرى وتە ماڭىزدى.
سوندىقتان وسى باستاماعا قاتىستى ءوز ويىن ايتىپ، ۇلەسىن قوسامىن دەيتىن قايراتكەرلەردىڭ ۇسىنىستارى جيناقتالىپ، الىنعانى ءجون. وسى جۇمىسقا بار ىنتالارىڭىزبەن اتسالىسۋلارىڭىز كەرەك، – دەدى بەيسەن داۋلەت ۇلى.
كۇن تارتىبىندە تۇركىستان قالاسىنا ەرەكشە مارتەبە بەرۋ باعىتىنداعى حاتتامالىق تاپسىرمالاردىڭ ورىندالۋ بارىسى تالقىلاندى. مادەنيەت جانە تۇركىستان وبلىستىق تۋريزم باسقارماسى وكىلدەرىنىڭ ۇسىنىستارى تىڭدالدى. تۇركىستان قالاسى اكىمدىگى تاراپىنان باستالعان جۇمىستار دا باياندالدى.
جۇمىسشى توپ قۇرامىنا ەنگەن باسقارما باسشىلارى مەن وكىلدەرىنىڭ، ساۋلەتشىلەردىڭ دە پىكىرلەرى ايتىلدى. قوجا احمەت ياساۋي كەسەنەسىن قورعاۋ، «تۇركىستان قالاسىنا ەرەكشە مارتەبە بەرۋ» زاڭناماسىنا ۇسىنىستار جيناقتاۋ جونىندەگى باستاپقى قادامدار دا سارالاندى. جۇمىسشى توپ جيناقتالعان ۇسىنىستار جۇيەلەنىپ، سول بويىنشا جۇمىس جۇرگىزىلەدى.
