2025 جىلى 15 ناۋرىزدا مەملەكەت باسشىسى قاسىم-جومارت توقاەۆ قازاقستان رەسپۋبليكاسىنىڭ بيۋدجەت كودەكسٸنە قول قويدى, دەپ حابارلايدى Dalanews.kz.
كودەكستٸڭ بٸرٸنشٸ بلوگى مەملەكەتتٸك قارجى تۋرالى ەرەجەلەرگە ساي سالىق-بيۋدجەت, اقشا-نەسيە جەنە فيسكالدى ساياساتتى بايلانىستىرۋعا باعىتتالعان, دەپ ناقتىلايدى اقوردانىڭ باسپاسٶز قىزمەتٸ.
ەكٸنشٸ بلوك مەملەكەتتٸك ورگانداردىڭ دەربەستٸگٸ مەن جاۋاپكەرشٸلٸگٸن ارتتىرا وتىرىپ, بيۋدجەت پروتسەسٸن وڭتايلاندىردى. بيۋدجەت پروتسەستەرٸنٸڭ مەرزٸمدەرٸ مەن كەزەڭدەرٸ قىسقارتىلدى. بيۋدجەتتٸك باعدارلامالار ەكٸمشٸلەرٸنٸڭ ٶكٸلەتتٸكتەرٸ مەن جاۋاپكەرشٸلٸگٸن ەدەۋٸر كەڭەيتۋ ەسەبٸنەن بلوكتىق بيۋدجەت ەلەمەنتتەرٸ ەنگٸزٸلدٸ.
مەملەكەتتٸك ورگاندارعا بيۋدجەتتٸك باعدارلاما شىعىستارىنىڭ 15 پايىزى كٶلەمٸندەگٸ قاراجاتتى دەربەس باسقارۋ قۇقىعى بەرٸلدٸ. مەملەكەتتٸك ورگاندار بيىل جۇمسالماعان بيۋدجەت قارجىسىن كەلەسٸ جىلدىڭ قاڭتار ايىنان باستاپ پايدالانا الادى. بۇل شىعىستاردى ٷزدٸكسٸز قارجىلاندىرۋعا مٷمكٸندٸك بەرەدٸ.
ٷشٸنشٸ بلوك پارلامەنتتٸك باقىلاۋدى كٷشەيتۋگە ارنالعان. مەملەكەتتٸك كەپٸلدٸكتەردٸ, مەملەكەت كەپٸلگەرلٸكتەرٸن بەرۋ ليميتٸن, ٷكٸمەتتٸك بورىش ليميتٸن جەنە جەرگٸلٸكتٸ اتقارۋشى ورگاندار بورىشىن, كۆازيمەملەكەتتٸك سەكتور سۋبەكتٸلەرٸنٸڭ سىرتقى قارىز ليميتٸن پارلامەنت قاراستىرىپ, بيۋدجەت تۋرالى زاڭمەن بەكٸتەدٸ.
تٶرتٸنشٸ بلوك بيۋدجەتتٸڭ كٸرٸس بٶلٸگٸن جوسپارلاۋ ساپاسىن ارتتىرۋ جەنە بيۋدجەت قارجىسىن تيٸمدٸ پايدالانۋ جٶنٸندە پەرمەندٸ شارالار قابىلداۋدى كٶزدەيدٸ. كودەكستە كۆازيمەملەكەتتٸك سەكتور سۋبەكتٸلەرٸنە قاتىستى مەملەكەتتٸك ديۆيدەند ساياساتىنىڭ نەگٸزگٸ ەرەجەلەرٸ بەلگٸلەنگەن.
بەسٸنشٸ بلوك جيناق فۋنكتسيياسىنا باسا نازار اۋدارا وتىرىپ, ۇلتتىق قوردى پايدالانۋ شارتتارىن بەلگٸلەيدٸ. ۇلتتىق قوردى پايدالانۋ پرەزيدەنت بەكٸتكەن ماقساتتى باعدارلارمەن شەكتەلەدٸ. قوردىڭ قاراجاتىن ٸشكٸ قارجى قۇرالدارىنا سالۋعا رۇقسات ەتٸلمەيدٸ. بۇل اقشانى بيۋدجەتتەن تىس پايدالانۋعا جول بەرمەيدٸ. ۇلتتىق قوردىڭ نىسانالى ترانسفەرتٸ تەك جالپىحالىقتىق ماڭىزى بار نىساندار مەن جوبالاردى قارجىلاندىرۋعا عانا پايدالانىلادى. ول ٷشٸن تيٸستٸ كريتەرييلەر ەنگٸزٸلدٸ.
التىنشى بلوك كۆازيمەملەكەتتٸك سەكتور سۋبەكتٸلەرٸنٸڭ بورىشىن قوسا العاندا, مەملەكەتتٸڭ قارىز ساياساتىنا باقىلاۋدى كەڭەيتۋگە باعىتتالدى. ۋەكٸلەتتٸ ورگاندار مەملەكەتتٸك سەكتوردىڭ بورىشتىق مٸندەتتەمەلەرٸنە بولجاۋ, مونيتورينگ جەنە باعالاۋ جٷرگٸزۋ شارالارىن جٷزەگە اسىرادى. كۆازيمەملەكەتتٸك سەكتوردىڭ سىرتقى بورىش ليميتٸ رەسپۋبليكالىق بيۋدجەت تۋرالى زاڭمەن بەلگٸلەنەدٸ.
تٷزەتۋلەردٸڭ جەتٸنشٸ بلوگى بيۋدجەتارالىق قاتىناستاردى جەتٸلدٸرە تٷستٸ. ازاماتتاردى بيۋدجەت قاراجاتىن بٶلۋ پروتسەسٸنە بەلسەندٸ تارتۋ ٷشٸن حالىق قاتىساتىن بيۋدجەت تەرتٸبٸ زاڭنامالىق نەگٸزدە بەكٸتٸلگەن.
بيۋدجەت كودەكسٸنٸڭ مەتٸنٸ باسپاسٶزدە جارييالانادى.
