پرەزيدەنت قاسىم-جومارت توقاەۆ اقوردادا حالىقارالىق پەن وليمپيادالارى جەڭٸمپازدارىمەن جەنە جٷلدەگەرلەرٸمەن كەزدەستٸ. ٸس-شاراعا 24 لاۋرەات, سونىڭ ٸشٸندە 4 التىن, 11 كٷمٸس جەنە 9 قولا مەدال يەگەرٸ شاقىرىلدى,- دەپ حابارلايدى Dalanews.kz.
قاسىم-جومارت توقاەۆ جاستارعا بارىنشا جاعداي جاساۋ مەملەكەتتٸڭ باستى مٸندەتٸنٸڭ بٸرٸ ەكەنٸنە توقتالدى.
"قازٸر ەلٸمٸزدٸڭ ەر ايماعىندا زاماناۋي ٷلگٸدەگٸ "كەلەشەك مەكتەپتەرٸ" اشىلىپ, مۇعالٸم مەرتەبەسٸن كٶتەرۋگە باسا مەن بەرٸلٸپ جاتىر. عىلىم جولىنا تٷسكەن جاستارعا جان-جاقتى قولداۋ كٶرسەتٸلٸپ كەلەدٸ.
بۇل رەتتە "بولاشاق" حالىقارالىق ستيپەنديياسى تيٸمدٸ رٶل اتقارىپ وتىر. جوبا اياسىندا مىڭداعان جاس ازامات ەلەمنٸڭ وزىق ۋنيۆەرسيتەتتەرٸ مەن زەرتتەۋ ورتالىقتارىندا بٸلٸم الدى. بٷگٸندە ولاردىڭ كٶبٸ ەلٸمٸزدٸ ٶركەندەتۋگە مول ٷلەس قوسىپ جاتىر. الدىمىزدا تۇرعان مٸندەت – وسى ستيپەنديياعا ناعىز قابٸلەتتٸ, دارىندى بالالاردى ٸرٸكتەۋ. كەزدەيسوق ادامداردى قوسۋعا بولمايدى.
سوندىقتان كەلەسٸ جىلدان باستاپ حالىقارالىق وليمپيادا جەڭٸمپازدارىن "بولاشاق" باعدارلاماسى بويىنشا وقۋعا جٸبەرۋ تۋرالى شەشٸم قابىلداندى. وسىلايشا بٸز دارىندى ەرٸ تالاپتى جاستارعا جان-جاقتى قولداۋ كٶرسەتە بەرەمٸز", – دەدٸ مەملەكەت باسشىسى.
پرەزيدەنتتٸڭ پٸكٸرٸنشە, حالىقارالىق بەدەلدٸ وليمپيادالارداعى جاستاردىڭ جەتٸستٸكتەرٸ ۇلتىمىزدىڭ زيياتكەرلٸك قۋاتى مەن ٶسكەلەڭ ۇرپاقتىڭ زور ەلەۋەتٸن تانىتادى.
"ەلٸمٸزگە عالىمدار, ينجەنەرلەر, پەداگوگتار, دەرٸگەرلەر مەن باسقا دا جوعارى بٸلٸكتٸ ماماندار قاجەت. ەسٸرەسە, جاساندى ينتەللەكت سالاسىنداعى ماماندار ايرىقشا سۇرانىسقا يە بولادى. يننوۆاتسييا مەن جوعارى تەحنولوگييالار نەگٸزٸندە ەلٸمٸزدٸڭ الداعى دامۋ كەزەڭدەرٸنٸڭ بەرٸك ٸرگەتاسىن قالاپ جاتىرمىز. "روساتوم" كومپانيياسىمەن بٸرگە سالىناتىن العاشقى اتوم ەلەكتر ستانساسى ستراتەگييالىق ماڭىزعا يە. بٸرەر كٷن بۇرىن ونىڭ قۇرىلىسى رەسمي تٷردە باستالدى. اەس ەنەرگەتيكا نىسانى عانا ەمەس, عىلىمي-تەحنيكالىق پروگرەستٸڭ جارقىن سيمۆولى بولۋعا تيٸس. ەزٸرگە ونىڭ اتاۋى جوق.
بۇل ەلٸمٸزدەگٸ تۇڭعىش ستانسا بولعاندىقتان, حالىق اراسىندا ٷزدٸك اتاۋ جٶنٸندە بايقاۋ جارييالاۋعا بولادى دەپ سانايمىن. وسى سايىسقا قاتىسىپ, شىعارماشىلىق قارىمدارىڭىزدى كٶرسەتۋگە شاقىرامىن. بەلكٸم, شەشٸم قابىلداعان كەزدە سٸزدەردٸڭ دە ۇسىنىستارىڭىزعا سٷيەنەرمٸز", – دەدٸ پرەزيدەنت.
مەملەكەت باسشىسى جاستارعا عيبراتتى سٶزٸن ارنادى.
"بٸز قازٸر بەرٸمٸز بٸر ەل بولىپ ەدٸلەتتٸ, تازا ەرٸ قاۋٸپسٸز قازاقستاندى قۇرىپ جاتىرمىز. بۇل جاي ساياسي ناۋقان ەمەس. بۇل – مەملەكەتتٸلٸگٸمٸزدٸ نىعايتۋ دەگەن سٶز. وسى اۋقىمدى جۇمىستى جاستارىمىز ٷشٸن باستادىق. ەندٸ ونى مٸندەتتٸ تٷردە ورىنداۋىمىز قاجەت. ونىڭ بار يگٸلٸگٸن ەڭ الدىمەن ٶسكەلەڭ ۇرپاق, ياعني سٸزدەر كٶرەسٸزدەر! مەن ەلٸمٸزدٸڭ جاستارىنا زور سەنٸم ارتامىن. قازاقستان جاستارى كٶزٸ اشىق, كٶكٸرەگٸ وياۋ, ويى ۇشقىر, دارىندى, ەڭبەكقور ازاماتتار دەپ ٷنەمٸ ايتىپ جٷرەمٸن. ۇل-قىزدارىمىز ەرقاشان ادال ازامات دەگەن اتقا ساي بولسىن دەپ تٸلەيمٸن. ەڭ الدىمەن وتانعا, ەلٸمٸزگە ادال بولىڭىزدار. سٸزدەر حالقىمىزدى جەر جٷزٸنە زيياتكەر ۇلت رەتٸندە تانىتىپ جٷرسٸزدەر. ەردايىم ٸزدەنٸس پەن ەڭبەك جولىندا بولىڭىزدار. ٶسكەلەڭ ۇرپاق سٸزدەرگە – تالانتتى جاستارعا قاراپ بوي تٷزەيدٸ", – دەدٸ قاسىم-جومارت توقاەۆ.
