VI دٷنيەجٷزٸلٸك كٶشپەندٸلەر ويىندارىندا توعىزقۇمالاقتان قازاقستان قۇراماسىنىڭ نامىسىن ابىرويمەن قورعاعان سپورتشىلار مەن ولاردىڭ باپكەرلەرٸ مەملەكەتتٸك ناگرادالارمەن ماراپاتتالدى, دەپ حابارلايدى dalanews.kz.
بٷگٸن استاناداعى تەۋەلسٸزدٸك سارايىندا قازاقستان پرەزيدەنتٸ قاسىم-جومارت توقاەۆ VI دٷنيەجٷزٸلٸك كٶشپەندٸلەر ويىندارىنىڭ جەڭٸمپازدارى مەن جٷلدەگەرلەرٸن, سونداي-اق ولاردىڭ جاتتىقتىرۋشىلارىن قۇتتىقتاپ, ٷزدٸكتەرگە مەملەكەتتٸك ناگرادالار تابىستادى. سالتاناتتى جيىندا توعىزقۇمالاقتىڭ دامۋىنا ٷلەس قوسىپ جٷرگەن بٸرقاتار مامان مەن سپورتشىنىڭ ەڭبەگٸ ەرەكشە اتالدى.
«قۇرمەت» وردەنٸمەن توعىزقۇمالاقتان قازاقستان قۇراماسىنىڭ باس جاتتىقتىرۋشىسى اينۇر ابسادىققىزى جاقاپباەۆا, قازاقستان توعىزقۇمالاق فەدەراتسيياسىنىڭ باس حاتشىسى ماقسات ەسەنبەكۇلى شوتاەۆ, سونداي-اق توعىزقۇمالاق چەمپيوندارى بيعالي زكريياەۆ, ازامات قايداروۆ جەنە مٶلدٸر سەرٸكقىزى ماراپاتتالدى.
ال «ەرەن ەڭبەگٸ ٷشٸن» مەدالٸنە توعىزقۇمالاق شەبەرلەرٸ ەراسىل اۋتاليپوۆ, ايدىن جاكيەۆ جەنە ارۋجان سالمان يە بولدى.
بۇل ماراپاتتار ۇلتتىق زيياتكەرلٸك ويىننىڭ حالىقارالىق ارەناداعى بەدەلٸن ارتتىرۋعا ٷلەس قوسقان سپورتشىلار مەن ماماندار ەڭبەگٸنٸڭ جوعارى باعالانعانىن كٶرسەتەدٸ.
“جاستار سٸزدەرگە قاراپ بوي تٷزەيدٸ. بۇل – ٷلكەن مەرتەبە جەنە زور جاۋاپكەرشٸلٸك. جەڭٸمپاز, چەمپيون بولۋ – بٸر باسقا, جەڭٸمپازعا, چەمپيونعا لايىق ٷلگٸ كٶرسەتۋ – بٸر بٶلەك. جاس ۇرپاقتى تاباندى, قايسار, شىدامدى بولۋمەن قاتار, ولاردى ەدەپتٸ, مەدەنيەتتٸ, تيياناقتى بولۋعا ٷيرەتۋ ٶتە ماڭىزدى. سوندا جاستارىمىزدىڭ تەنٸ دە, جانى دا ساۋ, ساناسى سەرگەك بولادى”, – دەدٸ قاسىم-جومارت توقاەۆ.
ايتا كەتەيٸك VI دٷنيەجٷزٸلٸك كٶشپەندٸلەر ويىندارىندا توعىزقۇمالاقتان قازاقستان قۇراماسى جوعارى نەتيجە كٶرسەتتٸ. ۇلتتىق قۇراما قورجىنىنا 4 التىن جەنە 2 كٷمٸس مەدال تٷستٸ. ودان تىس مانگالادان 2 التىن جەڭٸپ الدى.
جالپى قىرعىزستاندا ٶتكەن دٷبٸرلٸ دودادا قازاقستان قۇراماسى 74 مەدال جەڭٸپ الىپ, ونىڭ 32-سٸن التىنمەن تولىقتىردى. مەملەكەت باسشىسى سپورتشىلاردىڭ بۇل جەتٸستٸگٸن قازاق حالقىنىڭ قايسار رۋحى مەن جەڭٸمپاز بولمىسىنىڭ ايقىن كٶرٸنٸسٸ دەپ باعالادى.
