«Nur Otan» پارتياسى ءوز تاريحىندا جانە ەلىمىزدە العاشقى رەت پارتيا مۇشەلەرىن ىرىكتەۋدى جاڭا فورماتتا – پرايمەريز تۇرىندە وتكىزەدى.
بۇل شەشىم قوعامنىڭ ەڭ وزەكتى ماسەلەلەرىن جان-جاقتى زەرتتەۋ، ەلىمىزدىڭ، بىرىنشىدەن وڭىرلەردىڭ دامۋىن تالقىلاۋ، شەشىم قابىلداۋ، سونىمەن قاتار بەلسەندى جانە باستاماشىل ازاماتتاردىڭ جەكە جاۋاپكەرشىلىگىن ارتتىرۋ ءۇشىن ماڭىزدى.
مەن الماتى قالاسى ءماسليحاتىنىڭ دەپۋتاتتىعىنا كانديدات بولۋ ءۇشىن پرايمەريزگە قاتىسامىن.
مەنىڭ ماقساتىم – ۇلتتىق جانە قالالىق دەڭگەيدە ادامي كاپيتالدى دامىتۋعا ءوز ۇلەسىمدى قوسۋ. ادامي كاپيتال ەكونوميكا مەن مەملەكەتتىڭ دامۋىنىڭ ماڭىزدى قۇرامداس بولىگى بولىپ تابىلادى. ءبىلىم مەن مادەنيەت، ادامي كاپيتالدىڭ بولىگى رەتىندە، ۇلتتىڭ رۋحاني الەۋەتىن نىعايتۋعا قىزمەت ەتۋى كەرەك.
ەلىمىزدىڭ جەتەكشى پەداگوگيكالىق ۋنيۆەرسيتەتىنىڭ رەكتورى رەتىندە مەن ساپالى ءبىلىم بەرۋدى، جاڭا تەحنولوگيالار مەن وقىتۋ ادىستەرىن ەنگىزۋدى ماقسات ەتەمىن. بۇل جەردە مەن الماتىدا ءبىلىم بەرۋدى جاقسارتۋ ماسەلەلەرى بويىنشا يدەيالار ۇسىنامىن.
اباي اتىنداعى قازاق ۇلتتىق پەداگوگيكالىق ۋنيۆەرسيتەتى بۇل ماسەلەلەردى ءقازىر دە شەشىپ جاتىر. ءبىز جاستارعا ساپالى ءبىلىم بەرەمىز، زاماناۋي مۇعالىمدەردى دايارلايمىز، ال ولار بولاشاقتا بىلىمدەرىن قازاقستاندىقتاردىڭ جاڭا ۇرپاقتارىنا تاراتادى. مۇعالىمدەردىڭ بىلىكتىلىگىن ودان ءارى جەتىلدىرۋ ماڭىزدى دەپ سانايمىن، سەبەبى ءبىلىم وتە تەز جاڭارۋدا. ولاردىڭ كاسىبي بىلىكتىلىگىن ارتتىرۋ جۇيەسىن جەتىلدىرۋدى، وقىتۋدىڭ جاڭا ورتالىقتارىن، ونىڭ ىشىندە ۋنيۆەرسيتەت بازاسىندا قۇرۋدى ۇسىنامىن.
ەرەسەك ازاماتتاردى قامتيتىن ءبىلىم بەرۋ – بۇگىندە بۇل ماسەلە تولىق شەشىلمەگەن، كەيىنگە قالدىرۋعا بولمايدى.
مەن رەسپۋبليكالىق دەڭگەيدە باسقارۋداعى مول تاجىريبەمدى پايدالانا وتىرىپ، قالانىڭ وزەكتى ماسەلەلەرىن شەشۋدىڭ جولدارىن ۇسىنىپ، ونى جۇزەگە اسىرۋعا قاتىسامىن.
قالا تۇرعىندارىنىڭ، «Nur Otan» پارتياسى مۇشەلەرىنىڭ ۇسىنىستارى مەن تىلەكتەرىن بارلىق دەڭگەيگە جەتكىزىپ، ولاردى شەشۋگە قول جەتكىزە الامىن دەپ سەنەمىن.
تاكير بالىقبايەۆ، الماتى ايماقتىق جوعارى وقۋ ورىندارىنىڭ رەكتورلارى كەڭەسىنىڭ ءتوراعاسى، اباي اتىنداعى قازۇپۋ رەكتورى.
تاعى وقىڭزىز:
https://dalanews.kz/46301
