«Nur Otan» partiiasy óz tarihynda jáne elimizde alǵashqy ret partiia múshelerin irikteýdi jańa formatta – praimeriz túrinde ótkizedi.
Bul sheshim qoǵamnyń eń ózekti máselelerin jan-jaqty zertteý, elimizdiń, birinshiden óńirlerdiń damýyn talqylaý, sheshim qabyldaý, sonymen qatar belsendi jáne bastamashyl azamattardyń jeke jaýapkershiligin arttyrý úshin mańyzdy.
Men Almaty qalasy máslihatynyń depýtattyǵyna kandidat bolý úshin praimerizge qatysamyn.
Meniń maqsatym – ulttyq jáne qalalyq deńgeide adami kapitaldy damytýǵa óz úlesimdi qosý. Adami kapital ekonomika men memlekettiń damýynyń mańyzdy quramdas bóligi bolyp tabylady. Bilim men mádeniet, adami kapitaldyń bóligi retinde, ulttyń rýhani áleýetin nyǵaitýǵa qyzmet etýi kerek.
Elimizdiń jetekshi pedagogikalyq ýniversitetiniń rektory retinde men sapaly bilim berýdi, jańa tehnologiialar men oqytý ádisterin engizýdi maqsat etemin. Bul jerde men Almatyda bilim berýdi jaqsartý máseleleri boiynsha ideialar usynamyn.
Abai atyndaǵy Qazaq Ulttyq pedagogikalyq ýniversiteti bul máselelerdi qazir de sheship jatyr. Biz jastarǵa sapaly bilim beremiz, zamanaýi muǵalimderdi daiarlaimyz, al olar bolashaqta bilimderin qazaqstandyqtardyń jańa urpaqtaryna taratady. Muǵalimderdiń biliktiligin odan ári jetildirý mańyzdy dep sanaimyn, sebebi bilim óte tez jańarýda. Olardyń kásibi biliktiligin arttyrý júiesin jetildirýdi, oqytýdyń jańa ortalyqtaryn, onyń ishinde ýniversitet bazasynda qurýdy usynamyn.
Eresek azamattardy qamtityn bilim berý – búginde bul másele tolyq sheshilmegen, keiinge qaldyrýǵa bolmaidy.
Men respýblikalyq deńgeide basqarýdaǵy mol tájiribemdi paidalana otyryp, qalanyń ózekti máselelerin sheshýdiń joldaryn usynyp, ony júzege asyrýǵa qatysamyn.
Qala turǵyndarynyń, «Nur Otan» partiiasy músheleriniń usynystary men tilekterin barlyq deńgeige jetkizip, olardy sheshýge qol jetkize alamyn dep senemin.
Takir BALYQBAEV, Almaty aimaqtyq joǵary oqý oryndarynyń rektorlary Keńesiniń tóraǵasy, Abai atyndaǵy QazUPÝ rektory.
Taǵy oqyńzyz:
https://dalanews.kz/46301
