ونىڭ اشىلۋى لينگۆيستيكالىق-تەحنولوگيالىق ۋنيۆەرسيتەتىندە سارسەن امانجولوۆ اتىنداعى شىعىس قازاقستان مەملەكەتتىك ۋنيۆەرسيتەتىنىڭ (شقمۋ) رەكتورى مۇحتار تولەگەننىڭ باستاماسىمەن جانە ق ر بعم، پولشاداعى ق ر ەلشىلىگى، وبلىس اكىمدىگى جانە «نۇر وتان» پارتياسىنىڭ فيليالىنىڭ قولداۋىمەن وتكىزىلدى.
«اباي» ورتالىعىنىڭ ەلباسىنىڭ باستاماسى – جاستار جىلىندا اشىلۋى تەرەڭ سيمۆولدىق مانگە يە.
ونىڭ تاپسىرمالارىن ورىنداي وتىرىپ، ءبىز قازاق مادەنيەتى مەن ۇلى دالا مۇراسىن ىلگەرىلەتەتىن ورتالىق اشتىق.
بۇل مادەنيەتارالىق قارىم-قاتىناس پەن تاجىريبە الماسۋ ءۇشىن، بىرلەسكەن ءبىلىم بەرۋ باعدارلامالارى مەن حالىقارالىق عىلىمي جوبالاردى ىسكە اسىرۋ، اكادەميالىق ۇتقىرلىق جانە قازاقستان مەن پولشا جوعارى وقۋ ورىندارى اراسىنداعى قوس ديپلومدى ءبىلىم بەرۋدى جۇزەگە اسىرۋ ءۇشىن جاقسى پلاتفورما»، - دەپ اتاپ ءوتتى ورتالىقتىڭ اشىلۋ سالتاناتىندا شقمۋ رەكتورى مۇحتار تولەگەن.
سونداي-اق، ول ورتالىقتىڭ اتاۋىنداعى ابايدىڭ اتى كەزدەيسوقتىق ەمەس ەكەندىگىنە ەرەكشە كوڭىل اۋداردى. بۇل قازاق مادەنيەتىنىڭ اسا ماڭىزدى سيمۆولى جانە ۇلى دالا گەنيى، ال شىعىس قازاقستاندىقتار ءۇشىن جەرلەس. ۋنيۆەرسيتەتتە اباي وقۋلارىنىڭ باي داستۇرلەرى قالىپتاسقان، بەلگىلى عالىم ايجان قارتايەۆانىڭ عىلىمي مەكتەبى بار. جوعارى وقۋ ورنىندا ءىرى كونفەرەنسيالار وتكىزىلىپ، مونوگرافيالار مەن عىلىمي ماقالالار جارىق كورىپ، اباي مۇراسىن زەردەلەۋگە ارنالعان ديسسەرتاسيالار جازىلۋدا.
لينگۆيستيكالىق-تەحنولوگيالىق ۋنيۆەرسيتەتىنىڭ رەكتورى ەلجبەتا شتەرنال ءوز سوزىندە ورتالىق اشۋ ءۇشىن ەكى ۋنيۆەرسيتەتپەن قىرۋار جۇمىستار اتقارىلعانىن اتاپ ءوتتى. «ءبىز جەكە جاي بولدىك، ال ءبىزدىڭ شىعىس قازاقستاندىق ارىپتەستەرىمىز ورتالىققا قازاقستان تۋرالى پولياك، اعىلشىن، قازاق جانە ورىس تىلدەرىندەگى كىتاپتار، مادەني جانە تاريحي ارتەفاكتتار، ابايدىڭ ءمۇسىنى مەن سۋرەتىن تابىستادى. ورتالىق جاستار ءۇشىن تارتىمدى ورىن بولىپ، ءبىزدىڭ حالىقتارىمىز اراسىنداعى دوستىق پەن مادەني الماسۋدىڭ تاعى ءبىر كوپىرىنە اينالاتىندىعىنا جانە دە 2019-شى جىل بىرلەسكەن باستامالار مەن ەڭ باتىل يدەيالاردى جۇزەگە اسىرۋ جىلى بولاتىندىعىنا سەنىمدىمىن» - دەدى ۋنيۆەرسيتەت رەكتورى.
كەزدەسۋ بارىسىندا تاراپتار ىنتىماقتاستىق تۋرالى مەموراندۋمعا قول قويدى جانە رەكتور مۇحتار تولەگەن پولياك ارىپتەستەرىنە كورسەتىلگەن جىلۋ قابىلداۋ مەن قولداۋلارى ءۇشىن العىس ءبىلدىرىپ، ەلجبەتا شتەرنالعا «اباي» مەدالىن تابىس ەتتى.
سونىمەن بىرگە شقمۋ-دا ورتالىقتىڭ اشىلۋ كۇنىندە «مادەنيەتتەر ديالوگىنداعى ۋنيۆەرسيتەتتەردىڭ ءرولى» اتتى حالىقارالىق دوڭگەلەك ۇستەل وتكىزىلىپ، وعان پولياك عالىمدارى مەن ستۋدەنتتەرى ونلاين-رەجيمدە قاتىستى. ەكى دوستاس ەلدىڭ ۋنيۆەرسيتەتتەرى اراسىنداعى ىنتىماقتاستىقتى كەڭەيتۋدىڭ كەلەسى قادامى – س.امانجولوۆ اتىنداعى شقمۋ-دا «كوپەرنيك» مادەني-بىلىم بەرۋ ورتالىعىنىنىڭ اشىلۋى بولماق.
