Onyń ashylýy Lingvistikalyq-tehnologiialyq ýniversitetinde Sársen Amanjolov atyndaǵy Shyǵys Qazaqstan memlekettik ýniversitetiniń (ShQMÝ) rektory Muhtar Tólegenniń bastamasymen jáne QR BǴM, Polshadaǵy QR Elshiligi, oblys ákimdigi jáne «Nur Otan» partiiasynyń filialynyń qoldaýymen ótkizildi.
«Abai» ortalyǵynyń Elbasynyń bastamasy – Jastar jylynda ashylýy tereń simvoldyq mánge ie.
Onyń tapsyrmalaryn oryndai otyryp, biz qazaq mádenieti men Uly dala murasyn ilgeriletetin ortalyq ashtyq.
Bul mádenietaralyq qarym-qatynas pen tájiribe almasý úshin, birlesken bilim berý baǵdarlamalary men halyqaralyq ǵylymi jobalardy iske asyrý, akademiialyq utqyrlyq jáne Qazaqstan men Polsha joǵary oqý oryndary arasyndaǵy qos diplomdy bilim berýdi júzege asyrý úshin jaqsy platforma», - dep atap ótti ortalyqtyń ashylý saltanatynda ShQMÝ rektory Muhtar Tólegen.
Sondai-aq, ol ortalyqtyń ataýyndaǵy Abaidyń aty kezdeisoqtyq emes ekendigine erekshe kóńil aýdardy. Bul qazaq mádenietiniń asa mańyzdy simvoly jáne Uly dala genii, al shyǵys qazaqstandyqtar úshin jerles. Ýniversitette Abai oqýlarynyń bai dástúrleri qalyptasqan, belgili ǵalym Aijan Qartaevanyń ǵylymi mektebi bar. Joǵary oqý ornynda iri konferentsiialar ótkizilip, monografiialar men ǵylymi maqalalar jaryq kórip, Abai murasyn zerdeleýge arnalǵan dissertatsiialar jazylýda.
Lingvistikalyq-tehnologiialyq ýniversitetiniń rektory Eljbeta Shternal óz sózinde ortalyq ashý úshin eki ýniversitetpen qyrýar jumystar atqarylǵanyn atap ótti. «Biz jeke jai bóldik, al bizdiń shyǵys qazaqstandyq áriptesterimiz ortalyqqa Qazaqstan týraly poliak, aǵylshyn, qazaq jáne orys tilderindegi kitaptar, mádeni jáne tarihi artefakttar, Abaidyń músini men sýretin tabystady. Ortalyq jastar úshin tartymdy oryn bolyp, bizdiń halyqtarymyz arasyndaǵy dostyq pen mádeni almasýdyń taǵy bir kópirine ainalatyndyǵyna jáne de 2019-shy jyl birlesken bastamalar men eń batyl ideialardy júzege asyrý jyly bolatyndyǵyna senimdimin» - dedi ýniversitet rektory.
Kezdesý barysynda taraptar yntymaqtastyq týraly memorandýmǵa qol qoidy jáne rektor Muhtar Tólegen poliak áriptesterine kórsetilgen jylý qabyldaý men qoldaýlary úshin alǵys bildirip, Eljbeta Shternalǵa «Abai» medalin tabys etti.
Sonymen birge ShQMÝ-da ortalyqtyń ashylý kúninde «Mádenietter dialogyndaǵy ýniversitetterdiń róli» atty halyqaralyq dóńgelek ústel ótkizilip, oǵan poliak ǵalymdary men stýdentteri onlain-rejimde qatysty. Eki dostas eldiń ýniversitetteri arasyndaǵy yntymaqtastyqty keńeitýdiń kelesi qadamy – S.Amanjolov atyndaǵy ShQMÝ-da «Kopernik» mádeni-bilim berý ortalyǵynynyń ashylýy bolmaq.
