بٷگٸندە قازاقستان قارۋلى كٷشتەرٸندە 7 مىڭعا جۋىق ەيەل قىزمەت اتقارادى. ولاردىڭ مىڭعا جۋىعى وفيتسەر بولسا, 6 مىڭنان استامى كەلٸسٸمشارت نەگٸزٸندە ەڭبەك ەتەدٸ. سونىمەن بٸرگە 11 ەيەل باسشىلىق قىزمەتتە جٷر. ەيەل ەسكەري قىزمەتشٸلەر اراسىندا پولكوۆنيك شەنٸنە دەيٸن كٶتەرٸلگەندەر دە, قازاقستان تاريحىندا گەنەرال دەرەجەسٸنە تەڭ جوعارى شەنگە يە بولعان تۇڭعىش ەيەل دە بار. Dalanews.kz ولاردىڭ قىزمەت جولى مەن جەتٸستٸكتەرٸنە قاتىستى رەسمي مەلٸمەتتەردٸ جيناقتادى.
قورعانىس مينيسترلٸگٸنٸڭ مەلٸمەتٸنە سٷيەنسەك, بٷگٸندە ەيەل ەسكەري قىزمەتشٸلەر جەتكەن ەڭ جوعارى ەسكەري شەن پولكوۆنيك بولىپ سانالادى.
مەسەلەن, 2025 جىلى ۆەدومستۆو قارۋلى كٷشتەردە 32 ەيەل پولكوۆنيك قىزمەت اتقارعانىن حابارلاعان. ال 2026 جىلى ەيەل ەسكەري قىزمەتشٸلەردٸڭ جالپى سانى جاڭارتىلعانىمەن, پولكوۆنيك شەنٸندەگٸ ەيەلدەردٸڭ ناقتى سانى جارييالانباعان.
قازاقستاننىڭ تۇڭعىش ەيەل گەنەرالى
قازاقستان تاريحىنداعى تۇڭعىش ەيەل گەنەرال رەتٸندە سەۋلە ايتباەۆا بەلگٸلٸ. ول 2013 جىلى 6 مامىردا پرەزيدەنت جارلىعىمەن ٸٸٸ سىنىپتى مەملەكەتتٸك ەدٸلەت كەڭەسشٸسٸ سىنىپتىق شەنٸنە يە بولدى. بۇل پروكۋراتۋرا ورگاندارىنداعى ەڭ جوعارى سىنىپتىق شەندەردٸڭ بٸرٸ سانالادى جەنە مەرتەبەسٸ جاعىنان ەسكەري جٷيەدەگٸ گەنەرال-مايور اتاعىنا تەڭەستٸرٸلگەن. وسىلايشا سەۋلە ايتباەۆا قازاقستاندا گەنەرال دەرەجەسٸنە تەڭ جوعارى شەن العان العاشقى ەيەل رەتٸندە ەل تاريحىنا ەندٸ.
ول كەزدە ايتباەۆا قازاقستان رەسپۋبليكاسى باس پروكۋراتۋراسىنىڭ قۇقىقتىق ستاتيستيكا جەنە ارناۋلى ەسەپكە الۋ جٶنٸندەگٸ كوميتەتٸنٸڭ تٶراعاسى قىزمەتٸن اتقارعان. قۇقىق قورعاۋ ورگاندارى اكادەميياسى دا ونى قازاقستانداعى تۇڭعىش ەيەل گەنەرال رەتٸندە كٶرسەتەدٸ.
سەۋلە ايتباەۆا پروكۋراتۋرا جٷيەسٸندە 30 جىلدان استام ەڭبەك ەتتٸ. ەر جىلدارى تەرگەۋشٸ, پروكۋروردىڭ كٶمەكشٸسٸ, اۋدان پروكۋرورىنىڭ ورىنباسارى, وبلىستىق پروكۋراتۋراداعى باسشىلىق قىزمەتتەردٸ اتقاردى. كەيٸن باس پروكۋراتۋرانىڭ قۇقىقتىق ستاتيستيكا جەنە ارناۋلى ەسەپكە الۋ جٶنٸندەگٸ كوميتەتٸن باسقاردى.
2019 جىلى سەنات دەپۋتاتى بولىپ تاعايىندالسا, كەيٸن قازاقستانداعى بالا قۇقىقتارى جٶنٸندەگٸ ۋەكٸل قىزمەتٸنە كٸرٸستٸ.
مارا رايىموۆا
قازاقستان ارميياسىندا جوعارى ەسكەري لاۋازىمدارعا دەيٸن كٶتەرٸلگەن ەيەلدەردٸڭ قاتارىندا زاپاستاعى پولكوۆنيك مارا رايىموۆا دا بار. ول ەسكەري قىزمەتتە ۇزاق جىلدىق تەجٸريبەسٸنٸڭ ارقاسىندا "استانا" ٶڭٸرلٸك قولباسشىلىعى قولباسشىسىنىڭ ورىنباسارى لاۋازىمىنا دەيٸن كٶتەرٸلدٸ. بۇل ەيەل ەسكەري قىزمەتشٸلەر جەتكەن ەڭ جوعارى باسشىلىق قىزمەتتەردٸڭ بٸرٸ سانالادى.
قورعانىس مينيسترلٸگٸنٸڭ مەلٸمەتٸنشە, مارا رايىموۆا ەسكەري باسقارۋ سالاسىندا ۇزاق جىل ەڭبەك ەتٸپ, جەكە قۇرامدى دايارلاۋ مەن ەسكەري قىزمەتتٸ ۇيىمداستىرۋ باعىتىندا جاۋاپتى مٸندەتتەر اتقارعان. كەيٸن زاپاستاعى وفيتسەر رەتٸندە ەسكەري-پاتريوتتىق تەربيە مەن جاستاردى ەسكەري قىزمەتكە باۋلۋ ٸسٸنە دە بەلسەندٸ ارالاسىپ كەلەدٸ.
گاۋحار سىرلىباەۆا
پولكوۆنيك گاۋحار سىرلىباەۆا دا ەسكەري باسقارۋ جٷيەسٸندە جوعارى قىزمەت اتقارعان.
2016 جىلى ول الماتى قالاسىنىڭ الاتاۋ اۋداندىق قورعانىس ٸستەرٸ جٶنٸندەگٸ باسقارماسىنا باسشىلىق ەتكەن العاشقى ەيەل اتاندى. كەيٸن الماتى قالاسى قورعانىس ٸستەرٸ جٶنٸندەگٸ دەپارتامەنتٸ باستىعىنىڭ ورىنباسارى قىزمەتٸن اتقاردى.
جانار وسپانوۆا
پودپولكوۆنيك جانار وسپانوۆا قارۋلى كٷشتەر قاتارىندا 1996 جىلدان بەرٸ قىزمەت ەتٸپ كەلەدٸ.
ول 23366 ەسكەري بٶلٸمٸندە كومانديردٸڭ تەربيە جەنە يدەولوگييالىق جۇمىس جٶنٸندەگٸ ورىنباسارى بولعان. بۇل قىزمەتتە ەسكەري تەرتٸپتٸ ساقتاۋ, جەكە قۇرامنىڭ مورالدىق-پسيحولوگييالىق دايىندىعىن قامتاماسىز ەتۋ جەنە تەربيەلٸك جۇمىستاردى ۇيىمداستىرۋ مٸندەتتەرٸ جٷكتەلەدٸ.
ولگا رىپاكوۆا
وليمپيادا چەمپيونى ولگا رىپاكوۆا دا ەسكەري سالادا قىزمەت اتقارعان.
قورعانىس مينيسترلٸگٸنٸڭ مەلٸمەتٸنشە, ول قازاقستان قارۋلى كٷشتەرٸندە پودپولكوۆنيك شەنٸندە قىزمەت اتقارىپ, سپورت كوميتەتٸنٸڭ شتاتتىق كوماندالاردى دايارلاۋ ورتالىعى باستىعىنىڭ ورىنباسارى بولدى.
بۇل قىزمەتتە ولگا رىپاكوۆا ەسكەري سپورتشىلاردى حالىقارالىق جارىستارعا دايىنداۋ, ەسكەري سپورتتى دامىتۋ جەنە ۇلتتىق قۇراما كوماندالاردىڭ جۇمىسىن ٷيلەستٸرۋ باعىتتارىنا جاۋاپ بەردٸ.
اردانا بوتاي
قازاقستان ەسكەري اۆياتسيياسىنداعى ەرەكشە ەسٸمدەردٸڭ بٸرٸ - اردانا بوتاي.
قورعانىس مينيسترلٸگٸ ونى قازاقستان ەسكەري اۆياتسيياسىنداعى جالعىز ەيەل ۇشقىش-جويعىش رەتٸندە تانىستىرعان. اعا لەيتەنانت اردانا بوتاي سۋ-30سم جويعىش ۇشاعىنىڭ ەكيپاج كومانديرٸ رەتٸندە جەكە ۇشۋدى ورىنداعان قازاقستاندىق ەيەل رەتٸندە تاريحقا ەندٸ. قازٸرگٸ ۋاقىتتا ول قاراعاندى اۆياتسييالىق بازاسىندا قىزمەت ەتەدٸ.
اردانا بوتايدىڭ ەسكەري شەنٸ گەنەرال نەمەسە پولكوۆنيك دەڭگەيٸندە بولماسا دا, ونىڭ جەتٸستٸگٸ ەيەلدەردٸڭ ەسكەري اۆياتسيياداعى مٷمكٸندٸگٸنٸڭ كەڭەيٸپ كەلە جاتقانىن كٶرسەتەدٸ.
ەيەلدەر ەسكەردە قانداي قىزمەت اتقارادى?
قورعانىس مينيسترلٸگٸنٸڭ مەلٸمەتٸنشە, بٷگٸندە ەيەلدەر قارۋلى كٷشتەردٸڭ بارلىق ەسكەر تٷرلەرٸ مەن قۇرىلىمدارىندا ەڭبەك ەتەدٸ.
ولار ەسكەري مەديتسينا, پسيحولوگييا, قۇقىق, قارجى, بايلانىس, كادر قىزمەتٸ, اقپاراتتىق تەحنولوگييالار جەنە ماتەريالدىق-تەحنيكالىق قامتاماسىز ەتۋ سالالارىندا جۇمىس ٸستەيدٸ.
سونىمەن قاتار شتاب وفيتسەرٸ, ەسكەري ۇشقىش, نۇسقاۋشى, مەرگەن جەنە ارنايى ماقساتتاعى بٶلٸمدەردٸڭ ەسكەري قىزمەتشٸسٸ رەتٸندە دە مٸندەت اتقارادى. ولار پاراشيۋتپەن سەكٸرٸپ, ۇشقىشسىز ۇشۋ اپپاراتتارىن باسقارادى ەرٸ جاۋىنگەرلٸك كەزەكشٸلٸككە قاتىسادى.
نەلٸكتەن قازاقستاندا ەيەلدەر اراسىندا ەسكەري گەنەرال جوق?
قازاقستان زاڭناماسى ەيەلدەردٸڭ گەنەرال ەسكەري اتاعىن الۋىنا ەشقانداي شەكتەۋ قويمايدى. مۇنداي اتاق ەسكەري قىزمەت ٶتٸلٸنە, اتقارعان لاۋازىمىنا جەنە سول قىزمەت بويىنشا كٶزدەلگەن شەكتٸ ەسكەري شەنگە قاراي بەرٸلەدٸ.
ەدەتتە گەنەرال اتاعى ەسكەر تٷرلەرٸنٸڭ باس قولباسشىلارىنا, ٶڭٸرلٸك قولباسشىلىقتاردىڭ باسشىلارىنا نەمەسە قورعانىس مينيسترلٸگٸ مەن باس شتابتاعى جوعارى باسشىلىق قىزمەتتەردٸ اتقاراتىن وفيتسەرلەرگە بەرٸلەدٸ.
