47 جاستاعى عالىمجان سەدۋاقاسوۆ بىلتىر زەينەتكە شىقتى. سوڭعى جۇمىس ورنى - ۇلتتىق قاۋٸپسٸزدٸك كوميتەتٸنٸڭ شەكارا اكادەميياسى. باسىلىم مەلٸمەتٸنشە, شەكارا اكادەميياسىنىڭ بۇرىنعى وقىتۋشىسى 2022 جىلى قاڭتار وقيعاسى كەزٸندە كٶكتٶبەدە شەكاراشىلار مەن ٸشكٸ ٸستەر مينيسترلٸگٸ بٶلٸمشەلەرٸ اراسىندا اتىس بولعانىن ايتقان.
سەدۋاقاسوۆتىڭ سٶزٸنشە, 6 قاڭتاردا اكادەميياعا وفيتسەرلەر مەن كۋرسانتتاردى تەلەمۇنارا ورنالاسقان قالانىڭ وڭتٷستٸك-شىعىس بٶلٸگٸندەگٸ كٶكتٶبە تاۋىنا جٸبەرۋ تۋرالى بۇيرىق تٷسكەن. كۋرسانتتارمەن بٸرگە پودپولكوۆنيك تە سول جەرگە بارعان. توپتا ودان بٶلەك تاعى 13 ادام بولعان.
"ازاتتىق راديوسى" مەلٸمەتٸنشە, ۇلتتىق قاۋٸپسٸزدٸك كوميتەتٸ قاندى وقيعالاردان كەيٸن "2022 جىلى قاڭتاردىڭ العاشى كٷندەرٸ "قىلمىسكەرلەر تەلەراديوحابار تاراتاتىن كٶكتٶبە مۇناراسىن باسىپ الىپ, سول جەردەن حابار تاراتىپ, تالاپتارىن ايتپاق بولدى, بٸراق شەكاراشىلار شابۋىلدى تويتاردى" دەپ مەلٸمدەدٸ. الايدا عالىمجان سەدۋاقاسوۆتىڭ بەرگەن ايعاعى كٷش قۇرىلىمدارى مٷلدە جۇمىلا ەرەكەت ەتپەگەنٸن كٶرسەتەدٸ ەكەن.
"...گەنەرال بلوكپوست باسشىسى ەتٸپ, ورنىنا مەنٸ قويدى. مەن توپتى ەكٸگە بٶلٸپ, كٶكتٶبەگە اپاراتىن قوس جولدى قورعاي باستادىق. بٸز كٸممەن سوعىسىپ جاتقانىمىزدى دا بٸلمەدٸك. ٶز توبىمداعى كٶلٸك جٷرگٸزۋشٸسٸنە "ولار كٶلدەنەڭ تۇرعان بەتتە گازدى باس تا, قاعىپ ٶت" دەدٸم. ياعني پۋلەمەت بولماعاندىقتان, ولاردى كٶلٸكپەن باسىپ-جانشۋعا تۋرا كەلدٸ. كەشكٸ ساعات 9-عا تامان بٸر كٶلٸك بار جىلدامدىعىمەن كەلٸپ كٸلت توقتادى. مەن اسپانعا وق اتتىم. سول كەزدە توپتاعى جٸگٸتتەر دە وق جاۋدىرا باستادى. بٸز قۇددى بٸر سول كٶلٸكتٸ اتقىلاپ جاتقانداي بولدىق. كٶلٸك كەرٸ قاراي قاتتى جىلدامدىقپەن قۇيعىتا جٶنەلدٸ. كەيٸن ولار بارلاۋعا كەلگەنٸ انىقتالدى. بٸز وق اتا باستاعانعا تەلەمۇنارانى باسىپ الدى دەپ ويلاپ قالسا كەرەك. مەن جٸگٸتتەردٸ جيناپ, "ەندٸ اتپاڭدار" دەپ قارۋلارىن تاستاۋدى بۇيىردىم. سەلدەن كەيٸن كٶكتٶبەگە بەس كٶلٸكتەن, اراسىندا جەڭٸل كٶلٸكتەر مەن ەكٸ Hummer بار لەك كەلدٸ", - دەيدٸ سەدۋاقاسوۆ.
ول ەسكەرتۋ بولسىن دەپ وق اتقان, كەيٸن بەرٸ باستالىپ كەتكەن. ال باسىلىم دەرەكتەرٸنە سٷيەنسەك, شەكاراشىلار كٶكتٶبەگە لاڭكەستەر ەمەس, پوليتسييانىڭ ارنايى جاساعى كەلگەنٸن بٸلمەگەن. ولارعا ەشكٸم ەسكەرتپەگەن. شەكاراشىلاردىڭ ەسكەري كٶلٸگٸنٸڭ تاس-تالقانى شىققان.
سەدۋاقاسوۆ ەسەڭگٸرەپ, تەز ەرەكەت ەتە الماعانىن دا مويىندايدى. قولاستىنداعىلار دا ابدىراپ قالعان. ٶزٸمەن بٸرگە بولعان 13 شەكاراشىنىڭ توعىزى ۇرىس الاڭىنان قاشىپ كەتكەن.
...پودپولكوۆنيك اتىس بٸرشاما ۋاقىتتان كەيٸن سايابىرسىعانىن ايتادى. شەكاراشىلار بٸرەۋدٸڭ ايقايىن ەستيدٸ. بۇل كٶمەك سۇراپ جاتقان قارسى تاراپتىڭ ادامى بولاتىن.
"نە ٸستەيمٸز دەپ ٶزارا اقىلداستىق. جولداسىمنىڭ بٸرەۋٸ "بۇل تۇزاققا تٷسٸرۋدٸڭ امالى شىعار, ونىڭ كٶزٸن قۇرتايىق" دەدٸ. مەن: "جوق, كٶزٸن قۇرتپايىق, ودان دا قولعا تٷسٸرەيٸك, ەرتەڭگٸ كٷنٸ, مٸنە, جاۋاپ الاتىن تۇتقىن بار دەپ ەسەپ بەرسەك تە جاقسى ەمەس پە?" دەيمٸن.
جەردە جاتقان جارالانعان ادام كۋەلٸگٸن كٶرسەتٸپ, "مەن دە سەندەرمەن بٸرگەمٸن!" دەدٸ. ەسٸمگە "بارىپ كٶرشٸ" دەدٸم. ٶزٸمە ٸشتەي "قازٸر ٶزٸڭ بارىپ كٶر دەسە, بارا المايسىڭ عوي" دەپ قويامىن. ەسٸم ەشتەڭە دەمەستەن, ەلگٸگە جاقىنداپ بارىپ, "بٸزدٸكٸ ەكەن, بٸزدٸكٸ!" دەپ ايقايلادى. ٸٸم قىزمەتكەرٸ, مايور. وعىمىز ونىڭ تٶرت جەرٸنە تيگەن ەكەن.
بەتٸ قاعازداي بوزارىپ كەتٸپتٸ, ٶلٸم اۋزىندا جاتىر. "ەي, ٶلمە!" دەپ ونى سٸلكٸلەپ جاتقانىمىز ەسٸمدە. ول "انا! انام! سوڭعى رەت اناممەن سٶيلەسكٸم كەلەدٸ" دەدٸ. تەلەفونىن الىپ, اناسىنىڭ نٶمٸرٸن ٸزدەي باستادىق. ...سول كٷيٸ تٸلدەسە المادى. بۇلاي بولادى دەپ ويلامادىق. ونىڭ جاراسىن تاڭۋ كەرەك ەدٸ, ال بٸزدە تاڭاتىن ەشتەڭە بولعان جوق. دەنەسٸنٸڭ وق تيگەن تۇستارىن قولىمىزبەن بٸتەپ ەلەكپٸز. ابىروي بولعاندا, بايلانىس ٸسكە قوسىلدى. بولعان جايتتى بايانداپ, جەدەل جەردەم شاقىردىق. ولار كەلٸپ, جارالانعان ازاماتتى الىپ كەتتٸ. بۇل مەنٸڭ ٶمٸرٸمدەگٸ ەڭ ۇزاق جەنە ازاپقا تولى تٷن ەدٸ. مەن كٶز ٸلمەي, "بٸز نە بٷلدٸرٸپ قويدىق?!" دەپ ويلانۋمەن بولدىم. ەلگٸ جٸگٸت كٶز جۇمعان شىعار دەپ ويلاعان ەدٸم. بٸراق امان قالىپتى", - دەيدٸ ول.
پودپولكوۆنيك سەدۋاقاسوۆ پوليتسەي ناقتى قالاي جارالانعانىن بٸلمەيتٸنٸن جەتكٸزدٸ. سونىمەن قاتار, ۇرىس كەزٸندە جارالانعان جٸگٸتتٸ كٶرگەنگە دەيٸن "لاڭكەستەرمەن سوعىسىپ جاتىرمىز" دەپ ويلاعانىن ايتادى. پوليتسيياعا "ات" دەگەن بۇيرىقتى كٸم بەرگەنٸن ەلٸ كٷنگە تٷسٸنبەيدٸ.
"بٸز تەلەمۇناراعا كٷندٸز شىقتىق. حالىقتىڭ بٸرازى بٸز بارا جاتقانىمىزدى كٶردٸ. تەلەورتالىق ديرەكتورى دا قورعاۋعا كەلگەنٸمٸزدٸ بٸلەتٸن. بٸزدٸڭ سوندا ەكەنٸمٸزدەن بەرٸ حاباردار ەدٸ. سوندا ٸٸم قىزمەتكەرلەرٸنە "شابۋىل جاسا" دەپ بۇيرىق بەرگەن كٸم? بۇل ەلدە ارانداتۋشىلىق پا? نە ەكەنٸن تٷسٸنسەم بۇيىرماسىن?" - دەيدٸ ول.
https://dalanews.kz/del-qazir/97580-basy-dauga-qalgan-satybaldy-qazaqfi
