نە دەر ەكەن? قالاي بولار ەكەن? ورمانداي ورىس ورتاعا سالىپ سٶزٸمٸزدٸ سٶيلە دەپ قىسپاققا الار ما ەكەن?.. ىعىنا جىعىلسا, باسقا ەلەمنٸڭ بەتٸنە قالاي قارايمىز?
جوق, مەملەكەت باسشىسى ىقپادى. جالتاقتامادى. ساسپادى. شٸرەنٸپ وتىرىپ حالىقتىڭ قالاۋى مەن ۇلتتىق مٷددە سىرتقى ساياسي ويىنداردان جوعارى ەكەنٸن جەتكٸزدٸ.
ەكٸ ەلدٸڭ اراسىنا ٸرٸتكٸ سالىپ, قازاقتىڭ دەلەبەسٸن قوزدىراتىن ەلگٸ ارانداتۋشىلار ەرٸ ويناسىن دەدٸ. ديپلوماتييالىق تٸلمەن.
ەرينە, ٶكپەسٸ جارىلىپ كەتسە دە قاجەت كەزدە قاق ماڭدايدان بٸر قوياتىن امەريكا نە قىتاي ەمەسپٸز, بٸراق وراعىتىپ وتىرىپ قۇدايشىلىعىن ايتتى.
دەرٸ ٶلشەيتٸن تارازىعا تارتىلعان بايانداما دا ٶتە ٶزەكتٸ. پراگماتيزمگە تۇنىپ تۇر. سۇراقتارعا ايىزىڭدى قاندىرارداي جاۋاپ بەردٸ. ەكٸۇشتىلىق جوق. ناقتى.
ەسٸرەسە, سىرتقى ساياساتتا سپەكترۋمنىڭ بٸر بۇرىشىن تاڭداماسا بولمايتىن, بۇعىپ قالسا, ٶتٸپ كەتەتٸن ەدەتتەگٸ تٷلكٸبۇلاڭعا سالا المايتىن ۋكرايناعا قاتىستى سۇراقتا دا بىلايعى ٶركەنيەتتٸ ەلەمنٸڭ ۇستانىمىنان تانبادى. وعان دا مٸنەز كەرەك, جٷرەك كەرەك. ونى ەستٸگەن ۋكراين جۇرتشىلىعى ٶز سەگمەنتٸندە “قازاقتار جارايسىڭدار” دەپ شۋلاسىپ جاتىر. دەل وسى سٶزدٸ ٶزٸمٸز ايتقانداي مارقايىپ وتىرمىز.
پەتەربوردا ٶتكەن جيىندا پرەزيدەنتٸمٸزدٸڭ تٷرلٸ كوممۋنيكاتسييا كانالدارى ارقىلى جەتٸپ جاتقان ٷزٸك-ٷزٸك تسيتاتالارىن اڭدىپ وتىرىپ وقىعانىمنان تٷيگەنٸم.
[video width="1920" height="1080" mp4="https://dalanews.kz/wp-content/uploads/2022/06/tokaev-pretenzii-1.mp4"][/video]
بۇرىن پرەزيدەنتكە قاتىستى مۇنداي پافوستى ەش جازعان ەمەسپٸن, بٸراق بٷگٸن بٸر رازى بولدىم.
P.S. پرەزيدەنتٸمٸزدٸڭ دنر مەن لنر-گە قاتىستى جاۋابىنان كەيٸن جالپاق ەلدٸ جىلدار بويى ۇرىسقا ەزٸرلەپ كەلگەن مودەراتوردىڭ ٶزٸ “قازٸر ۇرسىساتىن ۋاقىت ەمەس” دەپ توقايلاسىپتى. مٸنە, كەرەك بولسا!
شىڭعىس مۇقان, ەلەۋمەتتتٸك جەلٸدەگٸ پاراقشاسىنان
...
ايتا كەتسەك, قاسىم-جومارت توقاەۆ پەتەربۋرگ حالىقارالىق ەكونوميكالىق فورۋمىنىڭ 25 جىلدىعىنا ارنالعان جيىنعا قاتىستى.
مەملەكەت باسشىسىنىڭ ايتۋىنشا, فورۋم ساياسي جەنە ەكونوميكالىق احۋال شيەلەنٸسٸپ تۇرعان كەزدە ٶتٸپ جاتىر.
– پاندەميياعا جەنە گەوساياسي شيەلەنٸستٸڭ ٶرشۋٸنە بايلانىستى جاھاندىق تەكە-تٸرەستەر جاڭا جاعدايلارعا الىپ كەلدٸ. جاھاندانۋدىڭ ورنىنا ارتىق-كەمٸ بار ايماقتاندىرۋ دەۋٸرٸ كەلدٸ.
قالاي بولعاندا دا, دەستٷرلٸ ەكونوميكالىق مودەلدەر مەن ساۋدا باعىتتارىنىڭ ٶزگەرۋ ٷدەرٸسٸ جەدەلدەي تٷستٸ. ەلەم جىلدام ٶزگەرۋدە. ٶكٸنٸشكە قاراي, كٶپ جاعدايدا جاقسى جاعىنا قاراي ەمەس, – دەدٸ پرەزيدەنت.
[video width="1184" height="668" mp4="https://dalanews.kz/wp-content/uploads/2022/06/288539809_1214081902675530_8030787223810270478_n.mp4"][/video]
شارا بارىسىندا مەملەكەت باسشىسى كرەمل جۋرناليستەرٸنٸڭ بٸرقاتار ساۋالىنا جاۋاپ بەردٸ. سونىڭ ٸشٸندە لنر مەن دنر سەكٸلدٸ كۆازيقۇرىلىمدارعا قاتىستى پٸكٸر بٸلدٸرٸپ, قازاقستان بۇلاردىڭ تەۋەلسٸزدٸگٸن مويىندامايتىنىن مەلٸم ەتتٸ.
قر پرەزيدەنتٸنٸڭ اتاپ ٶتۋٸنشە, ەگەر ۇلتتارعا تاڭداۋ قۇقىعى بەرٸلسە, وندا جەر شارىندا 193 مەملەكەتتٸڭ ورنىنا 500-600 مەملەكەت قۇرىلار ەدٸ.
توقاەۆ بۇدان بٶلەك سوڭعى كەزدەرٸ قازاقستاننىڭ ٸشكٸ شارۋاسىنا تۇمسىق تىعىپ, ەلدٸڭ قاۋٸپسٸزدٸگٸنە قاتەر تٶندٸرەتٸن مەلٸمدەمە جاساعان رەسەيلٸك تانىمال تۇلعالارعا قاتىستى پٸكٸر بٸلدٸردٸ.
"مۇنداي مەلٸمدەمەلەر ورىس پەن قازاقتىڭ اراسىنا سىنا قاعىپ, رەسەيدٸڭ رەپۋتاتسيياسىنا كەسٸرٸن تيگٸزۋدە. مەن مۇنداي ٷندەۋلەردٸڭ ماقساتىن تٷسٸنبەيمٸن. قازاقستان مەن رەسەيدٸڭ اراسىندا ەشقانداي ارازدىق جوق", – دەدٸ مەملەكەت باسشىسى.
كەزدەسۋ مودەراتورى, كرەمل پروپاگانديسٸ مارگاريتا سيمونيان بۇل ۋەجدٸ ورىندى دەپ تاۋىپ, "قازٸر ۇرىس-كەرٸس ٸزدەيتٸن ۋاقىت ەمەس" دەپ اقتالدى.
[video width="1280" height="720" mp4="https://dalanews.kz/wp-content/uploads/2022/06/288842319_704528843945211_3066023754933349278_n.mp4"][/video]
بۇعان دەيٸن Dalanews.kz قازاقستانعا سوقتىققان كرەمل قولشوقپارى تيگران كەوساياننىڭ كۋراتورىن تاپقانىن حابارلاعان ەدٸ.
https://dalanews.kz/saraptama/78652-amanat-partiiasy-140-myng-gektardan-astam-zhay
https://dalanews.kz/sadak/76742-keosaiannyng-kuratory-kim
