پەريزات قايرات پارا ٷستەل تەننيسٸ فەدەراتسيياسىنىڭ پرەزيدەنتٸ قىزمەتٸنەن بوساتىلدى, - دەپ حابارلايدى Dalanews.kz.
ۇيىم ونى كٷنٸ كەشە ۇستالعانى تۋرالى اقپارات شىققاننان كەيٸن جۇمىستان قۋىپتى. بۇل تۋرالى فەدەراتسييا ٶكٸلدەرٸ Tengrinews.kz تٸلشٸلەرٸنە حابارلاعان.
پارا ٷستەل تەننيسٸ فەدەراتسيياسىنداعىلاردىڭ سٶزٸنشە, پەريزات قايرات بۇل قىزمەتكە ٶزٸن ٶزٸ ۇسىنعان. الايدا فەدەراتسييا ٶكٸلدەرٸنٸڭ سٶزٸنشە, ونىڭ بۇل قىزمەتكە كەلۋٸنەن پايدا بولماپتى.
"ول تاعايىندالعانعا دەيٸن فەدەراتسيياعا قاتىسى بولمادى. بٸراق سپورتقا جەنە فەدەراتسيياعا قارجىلاي كٶمەكتەسۋ ٷشٸن ٶزٸن ۇسىندى. ونىڭ بۇل قىزمەتكە تاعايىندالعانىنا بٸر ايداي عانا بولعان. بٸراق وسى ۋاقىت ارالىعىندا بٸردە-بٸر جۇمىس وتىرىسىن نەمەسە جۇمىس كەزدەسۋٸن ۇيىمداستىرعان ەمەس", - دەلٸنگەن حابارلامادا.
ەسكە سالايىق, كٷنٸ كەشە قارجىلىق مونيتورينگ اگەنتتٸگٸ ەرٸكتٸلەر قوزعالىسىنىڭ بەلسەندٸسٸ جەنە قوعامدىق قايىرىمدىلىق قورىنىڭ قۇرىلتايشىسى پەريزات قايراتقا قاتىستى تەرگەۋ جٷرگٸزٸلٸپ جاتقانىن حابارلاعان بولاتىن.
ول كٶكتەمگٸ سۋ تاسقىنىنان زارداپ شەككەن ازاماتتارعا كٶمەكتەسۋ ٷشٸن جينالعان 1,5 ملرد تەڭگەدەن استام قاراجاتتى جىمقىردى دەپ كٷدٸكتەلۋدە.
قايىرىمدىلىقتىڭ نەگٸزگٸ بٶلٸگٸ قىمبات سەن بۇيىمدارى مەن جىلجىمايتىن مٷلٸكتٸ ساتىپ الۋ ماقساتىنا پايدالانىلدى.
بيىل كٶكتەمدە ول ەلورداداعى اۆتوسالونداردا 88 ملن تەڭگەگە "Mercedes-Benz S450", 80 ملن تەڭگەگە "Lexus LX-600" جەنە 39 ملن تەڭگەگە "Haval" اۆتوكٶلٸكتەرٸن ساتىپ الدى.
وسى كەزەڭدە ول جالپى سوماسى 600 ملن تەڭگەنٸ قۇرايتىن ەلوردانىڭ پرەميۋم ساناتتاعى "Akbulak Riviera", "Highvill Ishim Gold", "كٶك جايلاۋ" تك (تۇراق ورىندارىن قوسا العاندا), سونداي-اق "Vela Village" كوتتەدج قالاشىعىندا جىلجىمايتىن مٷلٸك نىساندارىن ساتىپ الدى.
سونىمەن قاتار, قازاقستاندىقتاردىڭ قايىرىمدىلىققا جٸبەرگەن قاراجات ەسەبٸنەن پەريزات ق. دۋباي, دوحا, لوندون جەنە ستامبۋلداعى «St. Regis», «Shangri-La», «Palazzo Versace» جەنە «Kempinski» سيياقتى بەس جۇلدىزدى قوناق ٷيلەردە دەمالعان.
بۇل ەلدەردە ول "Cartier" جەنە "Louis Vuitton" سيياقتى برەندتەردٸڭ قىمبات اكسەسسۋارلارى مەن زەرگەرلٸك بۇيىمداردى ساتىپ الىپ, فەشەنەبەلدٸ مەيرامحانالارعا بارىپ, ياحتالاردى جالداعان.
قىلمىستىق سحەمانى جٷزەگە اسىرۋ ٷشٸن دوستارى مەن تۋىستارىنا 8% سىياقى بەرٸپ, قوردىڭ اقشاسى قولما-قول اقشاعا اينالدىرىپ وتىرعان.
وسىلايشا, پەريزات ق. ٶزٸنٸڭ زاڭسىز ەرەكەتتەرٸمەن ەرٸكتٸلەر قوزعالىسىنىڭ بەدەلٸنە نۇقسان كەلتٸرٸپ, ونىڭ اشىقتىق پەن ادالدىق پرينتسيپتەرٸنە كٷمەن كەلتٸردٸ جەنە حالىقتىڭ سەنٸپ تاپسىرعان قاراجاتىن تالان-تاراجعا سالعان.
كٷدٸكتٸ ۇستالدى.
ايتا كەتسەك,32 جاستاعى اقتٶبەلٸك پەريزات قايراتقىزى شەتەلدە (ۇلىبريتانييا) وقىپ, جۇمىس تا ٸستەگەن بٸلٸمدٸ جاستاردىڭ بٸرٸ. ەلگە كەلگەن سوڭ ساياساتقا تارتىلىپ, سوڭعى كەزدەرٸ ٷكٸمەتتٸك ەمەس ۇيىمداردا جۇمىس ٸستەپ جٷر. كەيبٸر ساياساتتانۋشى ول باسقاراتىن BizBirgemiz Qazaqstan قايىرىمدىلىق قورى ٷكٸمەتتٸك ەمەستەن گٶرٸ, بيلٸككە جاقىنىراق ۇيىم ەكەنٸن ايتادى.
سۋ تاسقىنى كەزٸندە پەريزات بەلسەندٸ جۇمىستار اتقارىپ, ەل كٶزٸنە جيٸ تٷسكەن. تابيعي اپات ورىندارىندا بولعان ۆولونتەر جەلٸدە سىني جازبا دا جازعان. بيىل كٶكتەمدە ونىڭ قايىرىمدىلىق اياسىندا گازا سەكتورىنا دا بارعانى تۋرالى اقپارات بار.
