اقش قورعانىس مينيسترلٸگٸ (پەنتاگون) رەسەيدٸڭ 33 جوعارى وقۋ ورنى مەن عىلىمي-زەرتتەۋ مەكەمەسٸن ۇلتتىق قاۋٸپسٸزدٸككە قاۋٸپ تٶندٸرەتٸن ۇيىمدار تٸزٸمٸنە قوستى, دەپ حابارلايدى dalanews.kz.
جاڭارتىلعان تٸزٸمگە رەسەي, قىتاي جەنە يرانداعى جالپى سانى 130 عىلىمي, بٸلٸم بەرۋ جەنە عىلىمي-ٶندٸرٸستٸك ۇيىم ەنگٸزٸلگەن. بۇل تٸزٸمگە ەنگەن مەكەمەلەرمەن بٸرلەسٸپ جٷرگٸزٸلەتٸن زەرتتەۋلەردٸ اقش قورعانىس مينيسترلٸگٸ ەندٸ قارجىلاندىرمايدى.
تٸزٸمگە ەنگەن رەسەيلٸك ۇيىمداردىڭ قاتارىندا م.ۆ. لومونوسوۆ اتىنداعى مەسكەۋ مەملەكەتتٸك ۋنيۆەرسيتەتٸ, جوعارى ەكونوميكا مەكتەبٸ, ن.ە. باۋمان اتىنداعى مەسكەۋ مەملەكەتتٸك تەحنيكالىق ۋنيۆەرسيتەتٸ, مەسكەۋ اۆياتسييا ينستيتۋتى, مەسكەۋ فيزيكا-تەحنيكا ينستيتۋتى, «كۋرچاتوۆ ينستيتۋتى» ۇلتتىق زەرتتەۋ ورتالىعى, «سكولكوۆو» عىلىم جەنە تەحنولوگييالار ينستيتۋتى, تومسك پوليتەحنيكالىق ۋنيۆەرسيتەتٸ, ورال فەدەرالدىق ۋنيۆەرسيتەتٸ جەنە باسقا دا عىلىمي مەكەمەلەر بار.
پەنتاگوننىڭ مەلٸمدەۋٸنشە, اتالعان ۇيىمداردىڭ قىزمەتٸ اقش ٷكٸمەتٸ قارجىلاندىراتىن عىلىمي زەرتتەۋلەر مەن ەزٸرلەمەلەردٸڭ زاڭسىز پايدالانىلۋىنا ىقپال ەتۋٸ مٷمكٸن.
«مۇنداي زاڭسىز پايدالانۋ اقش-قا قارسى ەرەكەت ەتەتٸن ٷكٸمەتتەردٸڭ ارالاسۋىنا جاعداي جاساپ, ۇلتتىق قاۋٸپسٸزدٸككە جەنە عىلىمي ادالدىق قاعيداتتارىنا تٸكەلەي قاۋٸپ تٶندٸرەدٸ. وسىعان بايلانىستى امەريكالىق زەرتتەۋشٸلەرگە, اكادەمييالىق مەكەمەلەرگە جەنە ٶنەركەسٸپتٸك سەرٸكتەستەرگە بۇل تٸزٸمگە ەنگٸزٸلگەن ۇيىمدارمەن ىنتىماقتاستىق ورناتۋ, ولاردى قارجىلاندىرۋ نەمەسە دەرەك الماسۋ مەسەلەلەرٸندە بارىنشا ساق بولۋعا كەڭەس بەرەمٸز», – دەلٸنگەن پەنتاگون حابارلاماسىندا.
