AQSh Qorǵanys ministrligi (Pentagon) Reseidiń 33 joǵary oqý orny men ǵylymi-zertteý mekemesin ulttyq qaýipsizdikke qaýip tóndiretin uiymdar tizimine qosty, dep habarlaidy dalanews.kz.
Jańartylǵan tizimge Resei, Qytai jáne Irandaǵy jalpy sany 130 ǵylymi, bilim berý jáne ǵylymi-óndiristik uiym engizilgen. Bul tizimge engen mekemelermen birlesip júrgiziletin zertteýlerdi AQSh Qorǵanys ministrligi endi qarjylandyrmaidy.
Tizimge engen reseilik uiymdardyń qatarynda M.V. Lomonosov atyndaǵy Máskeý memlekettik ýniversiteti, Joǵary ekonomika mektebi, N.E. Baýman atyndaǵy Máskeý memlekettik tehnikalyq ýniversiteti, Máskeý aviatsiia institýty, Máskeý fizika-tehnika institýty, «Kýrchatov institýty» ulttyq zertteý ortalyǵy, «Skolkovo» ǵylym jáne tehnologiialar institýty, Tomsk politehnikalyq ýniversiteti, Oral federaldyq ýniversiteti jáne basqa da ǵylymi mekemeler bar.
Pentagonnyń málimdeýinshe, atalǵan uiymdardyń qyzmeti AQSh úkimeti qarjylandyratyn ǵylymi zertteýler men ázirlemelerdiń zańsyz paidalanylýyna yqpal etýi múmkin.
«Mundai zańsyz paidalaný AQSh-qa qarsy áreket etetin úkimetterdiń aralasýyna jaǵdai jasap, ulttyq qaýipsizdikke jáne ǵylymi adaldyq qaǵidattaryna tikelei qaýip tóndiredi. Osyǵan bailanysty amerikalyq zertteýshilerge, akademiialyq mekemelerge jáne ónerkásiptik seriktesterge bul tizimge engizilgen uiymdarmen yntymaqtastyq ornatý, olardy qarjylandyrý nemese derek almasý máselelerinde barynsha saq bolýǵa keńes beremiz», – delingen Pentagon habarlamasynda.
