پاۆلودارداعى مەكتەپتەردىڭ بىرىندە 9 سىنىپ وقۋشىسى وزىنە ەسكەرتۋ جاساعان مۇعالىمگە قول كوتەردى، دەپ حابارلايدى Dalanews.kz
Telegram-ارنالاردا تاراعان مالىمەتكە بويىنشا، كەلەڭسىز وقيعا مەكتەپتەگى كۇزگى بالى كەشىندە بولعان. كۋاگەرلەردىڭ ايتۋىنشا، 9 سىنىپتا وقيتىن ءجاسوسپىرىم ءمۇعالىمنىڭ موينىنان قىسىپ، ءبىراز ۋاقىت جىبەرمەي قويعان. وقۋشىنىڭ ارەكەتىنەن قورىققان پەداگوگ ارتىنشا پوليسياعا شاعىمدانعان.
پاۆلودار وبلىسىنىڭ پوليسيا دەپارتامەنتى وقيعاعا قاتىستى پىكىر ءبىلدىرىپتى. ۆەدومستۆو مالىمەتىنشە، اتالعان وقيعاعا قاتىستى تەكسەرىس جۇرگىزىلگەن. كامەلەتكە تولماعاندى تاربيەلەۋ جونىندەگى مىندەتتەرىن تيىسىنشە ورىنداماعانى ءۇشىن ونىڭ زاڭدى وكىلىنە قاتىستى اكىمشىلىك ءىس ماتەريالدارى جاسالىپ، سوتقا جولداندى. سونداي-اق وقۋشىنىڭ مىنەز-قۇلقى كامەلەتكە تولماعاندار ىستەرى جونىندەگى كوميسسيادا قارالاتىن بولدى.
پاۆلودار وبلىسىنىڭ بالالار قۇقىعى جونىندەگى وڭىرلىك ۋاكىلى سءاۋلە شاكەنوۆا دا اتالعان كەلەڭسىز وقيعادان حاباردار ەكەنىن ايتتى.
