Pavlodardaǵy mektepterdiń birinde 9 synyp oqýshysy ózine eskertý jasaǵan muǵalimge qol kóterdi, dep habarlaidy Dalanews.kz
Telegram-arnalarda taraǵan málimetke boiynsha, keleńsiz oqiǵa mekteptegi kúzgi baly keshinde bolǵan. Kýágerlerdiń aitýynsha, 9 synypta oqityn jasóspirim muǵalimniń moinynan qysyp, biraz ýaqyt jibermei qoiǵan. Oqýshynyń áreketinen qoryqqan pedagog artynsha politsiiaǵa shaǵymdanǵan.
Pavlodar oblysynyń politsiia departamenti oqiǵaǵa qatysty pikir bildiripti. Vedomstvo málimetinshe, atalǵan oqiǵaǵa qatysty tekseris júrgizilgen. Kámeletke tolmaǵandy tárbieleý jónindegi mindetterin tiisinshe oryndamaǵany úshin onyń zańdy ókiline qatysty ákimshilik is materialdary jasalyp, sotqa joldandy. Sondai-aq oqýshynyń minez-qulqy kámeletke tolmaǵandar isteri jónindegi komissiiada qaralatyn boldy.
Pavlodar oblysynyń balalar quqyǵy jónindegi óńirlik ýákili Sáýle Shákenova da atalǵan keleńsiz oqiǵadan habardar ekenin aitty.
