پاۆلوداردىڭ الەۋمەتتىك مەكەمەسىندە مۇگەدەكتىگى بار بالالاردى ۇرىپ-سوققان، دەپ حابارلايدى Dalanews.kz.
وبلىس پروكۋراتۋراسى ارناۋلى الەۋمەتتىك قىزمەتتەر كورسەتەتىن ۇيىمداردا تۇراتىن كامەلەتكە تولماعانداردىڭ، سونداي-اق جەتىم بالالار مەن اتا-اناسىنىڭ قامقورلىعىنسىز قالعان بالالاردىڭ قاۋىپسىزدىگىن قامتاماسىز ەتۋ ماسەلەلەرى بويىنشا تەكسەرۋ جۇرگىزىپ جاتىر.
شارا بارىسىندا وبلىستىق پسيحونيەۆرولوگيالىق بالالار ورتالىعىنىڭ بەينەباقىلاۋ كامەرالارىن قاراۋ كەزىندە تاربيەشى تاراپىنان كامەلەتكە تولماعانداردى ۇرىپ-سوعۋدىڭ بىرنەشە فاكتىلەرى انىقتالدى.
دەنساۋلىق جاعدايى بويىنشا دارمەنسىز جانە پسيحونيەۆرولوگيالىق پاتولوگياسى بار ۇنەمى كۇتىمدى قاجەت ەتەتىن بالالار وسىنداي زومبىلىققا ۇشىراعان.
پروكۋراتۋرا مالىمەتىنشە، ورتالىقتىڭ قىزمەتكەرلەرىنە قاتىستى قىلمىستىق كودەكسىنىڭ 110-بابى بويىنشا سوتقا دەيىنگى تەرگەپ-تەكسەرۋ باستالىپ، ول پوليسيا دەپارتامەنتىنە تاپسىرىلدى.
