Pavlodardyń áleýmettik mekemesinde múgedektigi bar balalardy uryp-soqqan, dep habarlaidy Dalanews.kz.
Oblys prokýratýrasy arnaýly áleýmettik qyzmetter kórsetetin uiymdarda turatyn kámeletke tolmaǵandardyń, sondai-aq jetim balalar men ata-anasynyń qamqorlyǵynsyz qalǵan balalardyń qaýipsizdigin qamtamasyz etý máseleleri boiynsha tekserý júrgizip jatyr.
Shara barysynda oblystyq psihonevrologiialyq balalar ortalyǵynyń beinebaqylaý kameralaryn qaraý kezinde tárbieshi tarapynan kámeletke tolmaǵandardy uryp-soǵýdyń birneshe faktileri anyqtaldy.
Densaýlyq jaǵdaiy boiynsha dármensiz jáne psihonevrologiialyq patologiiasy bar únemi kútimdi qajet etetin balalar osyndai zombylyqqa ushyraǵan.
Prokýratýra málimetinshe, ortalyqtyń qyzmetkerlerine qatysty Qylmystyq kodeksiniń 110-baby boiynsha sotqa deiingi tergep-tekserý bastalyp, ol politsiia departamentine tapsyryldy.
