پاۆلوداردا جەڭٸس ساياباعىندا ەدەپسٸز بي بيلەگەندەرگە سوت شەشٸمٸ شىقتى, دەپ حابارلايدى Dalanews.kz.
پاۆلودار قالاسىنىڭ ەكٸمشٸلٸك قۇقىقبۇزۋشىلىقتار جٶنٸندەگٸ مامانداندىرىلعان اۋدانارالىق سوتى 2008 جىلعى ج. مەن 2009 جىلعى ي.-گە قاتىستى ەكٸمشٸلٸك قۇقىقبۇزۋشىلىق تۋرالى ٸستٸ قارادى.
"2025 جىلعى 2 مامىردا ساعات 16:00 شاماسىندا كەمەلەتكە تولماعان ج. مەن ي. پاۆلودار قالاسىنداعى داڭق الاڭىنا بارىپ, داڭق وبەليسكٸ مەن مەڭگٸلٸك الاۋدىڭ جانىندا ۇياتسىز بيلەرمەن بەينەروليك تٷسٸرٸپ, وسىلايشا قازاقستان رەسپۋبليكاسى ەكٸمشٸلٸك قۇقىقبۇزۋشىلىق تۋرالى كودەكسٸ 434-بابىنىڭ 4-بٶلٸگٸندە كٶزدەلگەن ۇساق بۇزاقىلىقتى جاساعان", - دەپ جازىلعان سوت حابارلاماسىندا.
سوت وتىرىسى بارىسىندا ەكٸ قىز كٸنەسٸن تولىق مويىنداعان.
ج. ساياباققا حورەوگرافتىڭ شاقىرۋىمەن ەرٸ باسقا قىزدارمەن بٸرگە جەڭٸس كٷنٸنە ارنالعان بەينەروليك تٷسٸرۋ ٷشٸن كەلگەنٸن ايتتى. ونىڭ سٶزٸنشە, TikTok جەلٸسٸنەن كٶرگەن ترەندتەن كەيٸن وسىنداي بي تٷسٸرۋ يدەياسى كەلگەن. تٷسٸرٸلگەن بەينەروليك Instagram جەلٸسٸندەگٸ جابىق پاراقشاعا "ساياباقتى قورلايمىز" دەگەن ورىنسىز جازۋمەن جارييالانعان. ي. دا وسىعان ۇقساس تٷسٸنٸكتەمە بەرگەن.
ايتا كەتەيٸك, بۇعان دەيٸن وقيعا ەلەۋمەتتٸك جەلٸلەردە شۋ تۋعىزدى. وعان قوسا جەڭٸس كٷنٸ قارساڭىندا بولدى.
