سٶزٸمٸزگە دەلەل, كٷنٸ كەشە پاۆلودار ٶڭٸرٸندە «رۋحاني جاڭعىرۋ» باعدارلاماسى اياسىندا ەيگٸلٸ «قورلان» ەنٸنٸڭ اۆتورى ەستاي بەركٸمبايۇلىنىڭ ەسكەرتكٸشٸ تۇرعىزىلاتىنى بەلگٸلٸ بولدى.
ەسكەرتكٸش قالانىڭ قاق ورتاسىندا ەستايدىڭ اتىمەن اتالاتىن مەدەنيەت سارايىنىڭ الدىندا بوي كٶتەرمەك.
وسى مəسەلە وبلىس əكٸمٸنٸڭ ورىنباسارى اسحات ورالوۆتىڭ قاتىسۋىمەن ٶتكەن «رۋحاني جاڭعىرۋ» باعدارلاماسى جٶنٸندەگٸ ساراپتاۋ كەڭەسٸنٸڭ كەزەكتٸ وتىرىسىندا سٶز بولدى.
جيىن بارىسىندا وبلىستاعى قالا مەن اۋدان ٶكٸلدەرٸ ٶز جوبالارىمەن تانىستىردى. وبلىس əكٸمٸنٸڭ ورىنباسارى بۇل مəسەلەدە ساننىڭ ەمەس, ساپانىڭ ماڭىزدى ەكەندٸگٸن ەسكەرتٸپ ٶتتٸ.
– سوڭعى جىلدارى كٶپتەگەن يگٸ جوبالار ٸسكە اسىرىلدى, – دەدٸ اسحات ورالوۆ. – الايدا بٸزدەرگە جوبالاردىڭ سانى ەمەس, ساپاسى قاجەت. وبلىس, رەسپۋبليكا حالقى ٷلگٸ ەتەتٸن ەرەكشە جوبالار كٷتەمٸز. پاۆلوداردىڭ ٶزگە وبلىستارعا ٷلگٸ بولارلىقتاي ەلەۋەتٸ بار.
جوبا قۇنى 35 ميلليون تەڭگە. ونى جٷزەگە اسىرۋ دەمەۋشٸلەر تاراپىنان قارجىلاندىرىلماق.
قازاق رۋحاني-مەدەني ٶمٸرٸندە ٶشپەس ٸس قالدىرعان قايراتكەرلەردٸ ۇلىقتاۋ جۇمىستارى مۇنىمەن شەكتەلمەك ەمەس.
بيىلعى جىلى ەكٸباستۇز قالاسىندا قازاقتىڭ تاعى بٸر تارلانبوزى, اتى اڭىزعا اينالعان باۋىرجان مومىشۇلىنىڭ مونۋمەنتٸ بوي كٶتەرەدٸ. مونۋمەنت بيىلعى جىلدىڭ اياعىنا دەيٸن قالاداعى ورتالىق كٶشەلەردٸڭ بٸرٸندە مەن مۇندالاپ تۇراتىن بولادى.
قالالىق ٸشكٸ ساياسات بٶلٸمٸنٸڭ باسشىسى زينايدا مۇحامەتجانوۆانىڭ ايتۋىنشا, بۇل ٷشٸن سترويتەلنايا كٶشەسٸ əسكەرباسىنىڭ اتىنا اۋىستىرىلدى. كەنشٸلەر قالاسىندا جٷزەگە اسىرىلاتىن تاعى بٸر تىڭ جوبا – سəبيلەر اللەياسى.
وعان سəيكەس, ەكٸباستۇزدا تۋعان əربٸر نəرەستەنٸڭ قۇرمەتٸنە اتا-اناسى بەلگٸلەنگەن جەرگە بٸر تٷپ اعاش وتىرعىزادى.
ماي اۋدانى بولسا, «رۋحاني جاڭعىرۋ» اياسىندا «الما باعى» جوباسىن ۇسىندى. ول بويىنشا اۋدان ورتالىعىندا تامشىلاپ سۋارۋ تəسٸلٸمەن الما اعاشىن ەگٸپ, ٶنٸم الىپ, جاستاردى ەڭبەككە باۋلۋ كٶزدەلٸپ وتىر.
