پاۆلودار وبلىسىنداعى داۋىلدان كەيٸن بٸرنەشە شەنەۋنٸككە سٶگٸس جارييالاندى, دەپ حابارلايدى Dalanews.kz.
پاۆلودار وبلىسىنىڭ ەكٸمٸ اسايىن بايحانوۆتىڭ ايتۋىنشا, ەڭبەك دەمالىسىنان شىققاننان كەيٸن بٸردەن اقسۋعا بارىپ, 19 ماۋسىمداعى داۋىلدان كەيٸنگٸ قالانىڭ جاي-كٷيٸن تەكسەرگەن.
"اقسۋ داۋىلدىڭ ەپيتسەنترٸندە ورنالاستى, كٶپتەگەن نىسان زارداپ شەكتٸ. ٶكٸنٸشكە قاراي, قالا تۇرعىنى مارينا پاحوموۆا قايتىس بولدى. قايتىس بولعان ادامنىڭ وتباسىنا كٶمەك كٶرسەتٸلدٸ: تيٸستٸ ٶتەماقى تٶلەندٸ, كوممۋنالدىق قىزمەتتەر ٷشٸن ەكٸ جىلعا الدىن الا تٶلەم جاسالدى, نەسيەلەرٸن ٶتەۋگە قاراجات بٶلٸندٸ", - دەدٸ ەكٸم.
دەگەنمەن قالاداعى شەنەۋنٸكتەردٸڭ جۇمىسىنا ٶڭٸر باسشىسىنىڭ كٶڭٸلٸ تولمادى.
"نىسانداردى قالپىنا كەلتٸرۋ بويىنشا كٶپتەگەن جۇمىس جاسالدى, الايدا جۇمىستاردىڭ قارقىنى كٶڭٸل كٶنشٸتپەيدٸ. ٷش كٷن ٸشٸندە قۇلاعان اعاشتارعا قاتىستى, ەسٸرەسە, كوممۋنالدىق قىزمەتتەردٸڭ جۇمىسىنا كٶپ شاعىم تٷسكەن اقسۋ شاعىناۋدانىن تازارتۋ قاجەت", - دەدٸ ول.
قالاداعى شەندٸلەرگە وسى وقيعادان سوڭ سٶگٸس جارييالاندى.
"تٶتەنشە جاعدايدان كەيٸنگٸ العاشقى كٷندەرٸ حالىقپەن كەرٸ بايلانىس جاساماعانى ٷشٸن اقسۋ ەكٸمٸنە, ورىنباسارىنا جەنە اپپارات باسشىسىنا سٶگٸس جارييالاندى. اقسۋ قالاسىنىڭ ەكٸمٸنە ۋەكٸلەتتٸ ورگانداردىڭ ەكٸ باسشىسىن قىزمەتٸنەن بوساتۋدى نەمەسە تٶمەندەتۋدٸ تاپسىردىم. كەلەسٸ اپتادا قايتادان كەلٸپ, جۇمىستاردىڭ ۇيىمداستىرىلۋىن تەكسەرەمٸن جەنە جەكە باقىلاۋىمدا ۇستايمىن", - دەدٸ بايحانوۆ.
19 ماۋسىمدا پاۆلودار وبلىسىندا جىلدامدىعى سەكۋندىنا 43 مەترگە دەيٸن جەتەتٸن داۋىل سوققان بولاتىن.
