پاۆلودار وبلىسىندا جول-كولىك وقيعاسى سالدارىنان ەكى جۇرگىزۋشى وقيعا ورنىندا قازا تاۋىپ، ءبىر جولاۋشى اۋرۋحاناعا جەتكىزىلدى، دەپ حابارلايدى Dalanews.kz
الدىن الا مالىمەتتەرگە سايكەس، 27 جەلتوقسان كۇنى «پاۆلودار – ومبى» اۆتوجولىنىڭ بوبروۆكا اۋىلى ماڭىندا تويوتا Vitz ماركالى اۆتوكولىكتىڭ جۇرگىزۋشىسى كوكتايعاق جاعدايىندا كولىكتى باسقارا الماي، قارسى قوزعالىس جولاعىنا شىعىپ، Hyundai Accent اۆتوكولىگىمەن بەتپە-بەت سوقتىعىسقان.
اۆتوكولىكتەر ارنايى ايىپتۇراققا قويىلدى. وقيعانىڭ ءمان-جايى مەن سەبەپتەرى تەرگەۋ بارىسىندا انىقتالاتىن بولادى.
پاۆلودار وبلىسىنىڭ پوليسيا دەپارتامەنتى جول قوزعالىسىنا قاتىسۋشىلاردى جول قوزعالىسى قاعيدالارىن قاتاڭ ساقتاۋعا، بەلگىلەنگەن جىلدامدىق رەجيمىن اسىرماۋعا، كولىك قۇرالدارىنىڭ تەحنيكالىق جاي-كۇيىن باقىلاۋعا جانە اۋا رايى جاعدايلارىن ەسكەرۋگە شاقىرادى.
