وتباسى پاۆلودار وبلىسىنىڭ گالكينو اۋىلىندا تۇرادى. ولار 2019 جىلى ەكى بالامەن موڭعوليادان كوشىپ كەلگەن.

"قازاقستاندا تاعى 3 بالا دۇنيەگە كەلدى، ءقازىر اناسى 2022 جىلى تۋعان كىشكەنتاي بالانىڭ كۇتىمى بويىنشا دەمالىستا. اناسى وقي دا، جازا دا المايدى. تەك ءوز اتىن جازا الادى، قۇجاتتارعا سولاي قول قويادى. وتاعاسى 6 سىنىپ بىتىرگەن، ەشقانداي ماماندىق يگەرمەگەن. مەزگىلدىك جۇمىس رەتىندە مەكتەپتە وت جاعۋشى بولىپ جۇمىس ىستەيدى. ءقازىر جۇمىس ىستەمەيدى"، - دەدى پاۆلودار وبلىسىنداعى بالا قۇقىقتارى جونىندەگى وڭىرلىك ۋاكىل.

اتا-انا قىزدارىنىڭ جۇكتىلىگى تۋرالى 3 ساۋىردە مەكتەپتەگى مۇعالىمدەردەن بىلگەن. سول كۇنى تەكسەرىس جاسالىپ، جۇكتىلىك راستالعان. كەيىن وقۋشى 19 شىلدەگە دەيىن اۋداندىق اۋرۋحانادا دارىگەرلەردىڭ باقىلاۋىنا الىنعان.

"اۋرۋحانادا مەكتەپ باسشىلىعى وقۋ جىلىنىڭ سوڭىنا دەيىن ونلاين وقىتۋ ۇيىمداستىردى. اۋرۋحانادا بولعان 3 جارىم اي بويى بولاشاق انا مەكتەپ پەداگوگيكالىق قۇرامىنىڭ جەكە قاراجاتى ەسەبىنەن كيىم-كەشەك، اياق كيىم، جۋعىش زاتتار جانە ازىق-تۇلىكپەن قامتاماسىز ەتىلدى"، - دەدى ساۋلە شاكەنيەۆا.

12 جاستاعى قىز سالماعى 3 360 گرامم بولاتىن ساۋ قىزدى ومىرگە اكەلدى.

ساۋلە شاكەنيەۆا وبلىستىق پەريناتالدىق ورتالىقتان شىققاننان كەيىن انا مەن ءسابيدىڭ ودان ءارى تۇراتىن ورنى تۋرالى ماسەلە جاقىن ارادا شەشىلەتىنىن مالىمدەدى. اتا-اناسىنىڭ سوزىنشە، بۇل جاعدايدى بىلمەگەن جانە كۇدىكتەنبەگەن. قىزدىڭ اتا-اناسى وسى جاعدايعا كۇدىكتى سانالاتىن تۋىستارىمەن قارىم-قاتىناستى توقتاتقانىن ايتقان.

ايتا كەتەيىك، جۋىردا پاۆلودار وبلىسىندا 12 جاستاعى قىز بوسانعانى بەلگىلى بولدى. ول تامىز ايىندا 13 جاسقا تولادى.

جابىرلەنۋشىنىڭ تۋىسى كۇدىكتى دەپ تانىلىپ، قاماۋعا الىندى.