پاۆلودار وبلىسىندا 2،1 ملرد تەڭگەنىڭ جەرى مەملەكەتكە قايتارىلدى

قاراكوز امانتاي 11 ءساۋ. 2024 10:02 1091

پاۆلودار وبلىسىندا تەرەڭكول اۋدانىنىڭ پروكۋراتۋراسى "ۆيلگەلم" شارۋا قوجالىعىنا 20 جىل مەرزىمگە 1552 گەكتار جايىلىمدىق جەردى نەگىزسىز بەرۋ فاكتىسىن انىقتادى، دەپ حابارلايدى Dalanews.kz.
"اۋدان پروكۋراتۋراسىنىڭ قاداعالاۋ اكتىسى بويىنشا جەر رەسۋرستارىن باسقارۋ دەپارتامەنتى جەردى جالداۋ شارتىن جارامسىز دەپ تانۋ تۋرالى تالاپ ارىز بەردى"، - دەپ جازىلعان وبلىس پروكۋراتۋراسىنىڭ حابارلاماسىندا.
وبلىستىڭ مامانداندىرىلعان اۋدانارالىق ەكونوميكالىق سوتىنىڭ شەشىمىمەن دەپارتامەنتتىڭ تالاپ ارىزىنان باس تارتىلعان.
 
الايدا سوت ۋچاسكەنى بەرۋگە بولمايتىنىن نازارعا الماعان، ويتكەنى ول ەلدى مەكەننىڭ جەرىنە جاتادى جانە جەرگىلىكتى حالىقتىڭ مالىن جايۋعا ارنالعان.
پاۆلودار وبلىسى پروكۋراتۋراسىنىڭ اپەللياسيالىق ءوتىنىشحاتى بويىنشا سوت شەشىمى وزگەرتىلدى، تالاپ ارىز قاناعاتتاندىرىلدى، قۇنى 2،1 ملرد تەڭگە بولاتىن جەر مەملەكەتكە قايتارىلدى.

ۇسىنىلعان
سوڭعى جاڭالىقتار