Pavlodar oblysynda Tereńkól aýdanynyń prokýratýrasy "Vılgelm" sharýa qojalyǵyna 20 jyl merzimge 1552 gektar jaıylymdyq jerdi negizsiz berý faktisin anyqtady, dep habarlaıdy Dalanews.kz.
"Aýdan prokýratýrasynyń qadaǵalaý aktisi boıynsha jer resýrstaryn basqarý departamenti jerdi jaldaý shartyn jaramsyz dep taný týraly talap aryz berdi", - dep jazylǵan oblys prokýratýrasynyń habarlamasynda.
Oblystyń Mamandandyrylǵan aýdanaralyq ekonomıkalyq sotynyń sheshimimen departamenttiń talap aryzynan bas tartylǵan.
Alaıda sot ýchaskeni berýge bolmaıtynyn nazarǵa almaǵan, óıtkeni ol eldi mekenniń jerine jatady jáne jergilikti halyqtyń malyn jaıýǵa arnalǵan.
Pavlodar oblysy prokýratýrasynyń apelásıalyq ótinishhaty boıynsha sot sheshimi ózgertildi, talap aryz qanaǵattandyryldy, quny 2,1 mlrd teńge bolatyn jer memleketke qaıtaryldy.
