پروكۋراتۋرا شارالارىنىڭ ناتيجەسىندە مەملەكەتكە قۇنى 101 ملن تەڭگە بولاتىن مۇلىك قايتارىلدى، دەپ حابارلايدى Dalanews.kz.
پاۆلودار وبلىسى اقتوعاي اۋدانى پروكۋراتۋراسى مەملەكەت مۇددەلەرىن قورعاۋ جانە جەر رەسۋرستارىن زاڭدى ءارى ءتيىمدى پايدالانۋ بويىنشا جۇرگىزىلگەن جۇمىس اياسىندا جەر زاڭناماسىنىڭ تالاپتارىنىڭ بۇزىلۋىن انىقتادى.
اتاپ ايتقاندا، تالداۋ بارىسىندا «جانابەت» شارۋا قوجالىعىنا تيەسىلى اۋىل شارۋاشىلىعى ماقساتىنداعى جەرلەردىڭ ۇزاق ۋاقىت بويى پايدالانىلماعانى انىقتالدى.
اۋدان پروكۋراتۋراسىنىڭ ۇسىنىسى بويىنشا جەر رەسۋرستارىن باسقارۋ دەپارتامەنتى پايدالانىلماعان ۋچاسكەلەردى ماجبۇرلەپ الۋ تۋرالى تالاپ-ارىزدى وبلىستىق مامانداندىرىلعان اۋدانارالىق ەكونوميكالىق سوتقا جولدادى
شارۋاشىلىق اينالىمىنا ەنگىزىلمەگەن جەرلەردىڭ جالپى اۋماعى ەكى ءجۇز گەكتاردان استى.
جالعا الۋ شارتتارى بۇزىلىپ، ۋچاسكەلەر مەملەكەتتىك مەنشىككە قايتارىلدى.
اكىمدىك قاۋلىسىمەن باعالاۋ قۇنى 100 ملن تەڭگەدەن اساتىن جەر ۋچاسكەلەرى مەملەكەت مەنشىگىنە رەسىمدەلدى.
