ول زەينەتاقى جيناعى ەڭ تومەنگى جەتكىلىكتى مولشەرگە جەتكەن سالىمشىلار ونىڭ ءبىر بولىگىن الۋعا قۇقى بار ەكەنىن ەسكە سالدى. بۇل شەك ادامنىڭ جاسىنا قاراي انىقتالادى. وعان قاتىستى ەسەپتەۋلەردى مىنا جەردەن تابۋعا بولادى.
- بۇگىنگى كۇنى ۇكىمەت وسى رەتتەگى ءىس-شارانى ىسكە اسىرۋ ءۇشىن زاڭناماعا تۇزەتۋلەر ەنگىزىپ، جوبا ازىرلەيدى. 2021 جىلدان باستاپ تالاپقا ساي كەلەتىن قازاقستاندىقتار زەينەتاقى جيناقتارىنىڭ ءبىر بولىگىن الا الادى دەپ ۇمىتتەنىپ وتىرمىز. بۇل رەتتە قاراجاتتىڭ ماقساتتى پايدالانىلۋىن قامتاماسىز ەتەتىن ءبىرىڭعاي وپەراتورلار بولادى. ەگەر "سالىمشىعا زەينەتاقى جيناقتارىنىڭ ءبىر بولىگى ءوز قولىنا بەرىلەدى مە" دەگەن سۇراققا كەلسەك، ارينە وعان "جوق" دەپ جاۋاپ بەرەمىز، - دەدى ول TENGRI TV-عا بەرگەن سۇقباتىندا.
ونىڭ ايتۋىنشا، ماقساتتى باعداردى بۇل ارادا "وتباسى" بانكى جۇزەگە اسىرادى، سوندىقتان تۇرعىن ءۇي جاعدايىن جاقسارتۋ ءۇشىن اقشانى پايدالانۋدا وسى بانكتى قاراستىرۋ ۇسىنىلادى.
- يپوتەكالىق نەسيە الۋ ءۇشىن تۇتىنۋشى جۇگىنگەن كەز-كەلگەن ەكىنشى دەڭگەيدەگى بانكپەن كەلىسىم جاسالادى. ول ادام "تۇرعىن ءۇي قۇرىلىس جيناق بانكىنە" حابارلاسىپ، زەينەتاقى جيناعىن پايدالانۋعا قۇقى بار-جوقتىعىن جانە ونداعى اقشا العاشقى تولەمگە جەتكىلىكتى مە، جوق پا، سونى الدىمەن تەكسەرۋى كەرەك. وسىدان سوڭ بجزق-مەن اقپاراتتىق ينتەگراسياداعى تقجب بۇل مالىمەتتى انىقتاپ، راستايدى، سودان سوڭ ءۇش جاقتى كەلىسىم جاسالادى. قاجەتتى سوما تقجب ارقىلى ەكىنشى دەڭگەيدەگى بانككە اۋدارىلادى. سوڭىندا اقشا پاتەردى ساتۋشىنىڭ شوتىنا بارىپ تۇسەدى. قولعا اقشا بەرىلمەيدى. اقشا ەلەكتروندى وپەراسيا ارقىلى سوڭعى ادامعا جەتەدى، - دەپ ءتۇسىندىردى شەگاي.
تۋرا وسىلاي ءۇيدى كۇردەلى جوندەۋدەن وتكىزۋ ءۇشىن دە اقشا بولىنەدى. قۇرىلىس ماتەريالدارىنا، قۇرىلىس قىزمەتتەرىنە قاجەتتى اقىنى تولەۋدىڭ بانكتەردە باعدارلامالارى بار. مىنە، سوندا بارلىق قۇجاتتار (چەكتەر، قابىلداۋ-تاپسىرۋ اكتىلەرى جانە ت.ب.) اقشانىڭ ماقساتتى باعىتتالعانىن راستايدى.
