ءماجىلىس الاڭىندا ءجۋرناليستىڭ ساۋالدارىنا جاۋاپ بەرگەن مينيستر قازاقستان قارۋلى كۇشتەرىنىڭ الدىندا بۇدان دا ماڭىزدى مىندەتتەر تۇرعانىن اتاپ ءوتتى.
"شەرۋدى وتكىزۋ وتە قىمبات. بۇل جانار-جاعارماي، جول اقىسى، قىزمەتكەرلەردىڭ تاماعى. نە ماڭىزدىراق بولدى - وقۋ-جاتتىعۋلار وتكىزىپ، جاۋىنگەرلىك ازىرلىگىمىزدى تەكسەرۋ مە، الدە پارادقا قاتىسۋ ما؟ وسى جاعدايدا جوعارعى باس قولباسشىنىڭ تاپسىرمالارىن ورىنداۋدى ەسكەرە وتىرىپ، وسى كەزەڭدە قارۋلى كۇشتەردىڭ جاۋىنگەرلىك ازىرلىگى مەن دايىندىعىمەن اينالىسۋ بارىنشا ورىندى دەپ ەسەپتەيمىز"، – دەدى رۋسلان جاقسىلىقوۆ
بۇل رەتتە مينيستر 9 مامىر – جەڭىس كۇنىنە وراي جوسپارلانعان بارلىق ءىس-شارالار جۇزەگە اسىرىلاتىنىن باسا ايتتى. بارلىق ارداگەرلەردى قۇتتىقتاپ، ولارعا اقشالاي كومەك كورسەتىلەدى.
"ءسىز شاتاستىرىپ جاتىرسىز. 7 مامىر – قارۋلى كۇشتەر كۇنى، 9 مامىر جەڭىس كۇنى. شەرۋ جەڭىس كۇنىنە ەمەس، قارۋلى كۇشتەردىڭ 30 جىلدىعىنا ارنالار ەدى. ءسىز ايىرماشىلىقتى سالىستىرىڭىز. جەڭىس كۇنىنە جوسپارلانعان شارالار ارداگەرلەرىمىزگە قۇرمەت كورسەتۋ بولىپ تابىلادى. ولار جوسپار بويىنشا ءجۇرىپ، ارداگەرلەرگە اتقارۋشى بيلىك تاراپىنان تولەم جاسالاتىن بولادى. ءبىز ولاردى قۇرمەتتەپ، قۇتتىقتايمىز"، – دەيدى رۋسلان جاقسىلىقوۆ
ەسكە سالايىق، 13 ساۋىردە قازاقستان قارۋلى كۇشتەرىنىڭ قۇرىلعانىنا 30 جىل تولۋىنا جانە 1941-1945 جىلدارداعى ۇلى وتان سوعىسىنداعى جەڭىس كۇنىنە ارنالعان اسكەري پاراد جوسپارلانباعانى بەلگىلى بولدى.
