جاقىندا الماتى وبلىسى ۇقك دەپارتامەنتٸنە قاراستى سىبايلاس جەمقورلىققا كٷرەس قىزمەتكەرلەرٸ ٸلە اۋداندىق پوليتسييا باسقارماسىنىڭ ەقب (واپ) ينسپەكتورى, لەيتەنانت نۇرعالٸم ەلٸمعوجاەۆتى پارا الۋ سەتٸندە ۇستاعانى تۋرالى اقپارات تارادى. بەلگٸلٸ زاڭگەر مولداحان ەدٸلەتحان اتالعان جاعدايعا بايلانىستى تىڭ اقپاراتتى بٶلٸستٸ, دەپ حابارلايدى Dalanews.kz.
زاڭگەردٸڭ ايتۋىنشا, ول پوليتسييا قىزمەتكەرلەرٸ ۇستالعانعا دەيٸن جول-كٶلٸك وقيعاسىنا تٷسكەن ازاماتپەن جەكە سٶيلەسكەن. سول كەزدە جەبٸرلەنۋشٸ باسىنان ٶتكەن جاعدايدى بٷكپەسٸز بايانداپ بەرگەن. بۇل ەڭگٸمە بەينەجازباعا دا تٷسٸرٸلگەن.
مولداحان ەدٸلەتحان كٶرسەتكەن ۆيدەودا جەبٸرلەنۋشٸ جول اپاتىنان كەيٸن كٶلٸگٸن ايىپتۇراقتان الىپ كەتۋ ٷشٸن پوليتسييا بٶلٸمٸنە بارعانىن ايتادى. الايدا سول جەردە ينسپەكتورلار تاراپىنان قوماقتى اقشا تالاپ ەتٸلگەن.
“جەمقورلىققا جول جوق” دەپ ۇرانداتقانىمەن, ٸس جٷزٸندە بەرٸ باسقاشا. جول-كٶلٸك وقيعاسىنا تٷسكەن جٷرگٸزۋشٸ كٶلٸگٸن ايىپتۇراقتان الىپ كەتۋ ٷشٸن پوليتسييا بٶلٸمٸنە بارعاندا, ودان تٸكەلەي 300 مىڭ تەڭگە تالاپ ەتٸلگەن”, - دەيدٸ زاڭگەر.
ۆيدەودا جەبٸرلەنۋشٸ كٶلٸگٸمەن تاكسي بولىپ كٷن كٶرٸپ جٷرگەنٸن, اپاتتان كەيٸن كٶلٸگٸنٸڭ جارامسىز بولىپ قالعانىن ايتادى. ونىڭ ٷستٸنە ايىپپۇل, ەۆاكۋاتسييا, ايىپتۇراق شىعىندارى قوسىلىپ, سودان سوڭ پارا تالاپ ەتٸلگەن. بۇل ونىڭ جاعدايىن ودان ەرٸ قيىنداتقان.
“مۇندا ەڭ ماڭىزدىسى - پارا الۋ فاكتٸسٸ كەيٸن ەمەس, الدىن الا ايتىلعان. ياعني “جەل تۇرماسا, شٶپتٸڭ باسى قيمىلدامايدى”. بۇل ادام ٶتٸرٸك ايتىپ وتىرعان جوق. ول بەرٸ جارييا بولماي تۇرىپ-اق شىندىقتى اشىق جەتكٸزگەن”, - دەيدٸ زاڭگەر.
جەبٸرلەنۋشٸنٸڭ ايتۋىنشا, اقشا سۇراۋ بٸر ينسپەكتورمەن شەكتەلمەگەن. ٸستٸ “رەتتەيتٸن” تاعى بٸر قىزمەتكەر ارالاسىپ, “اقشاڭ بولماسا, Kaspi اش, كرەديت ال” دەگەن سٶزگە دەيٸن بارعان. بۇل جايت جەبٸرلەنۋشٸگە مورالدىق قىسىم بولعان.
سونىمەن قاتار ول تاعى بٸر كٷمەندٸ جايتتى العا تارتتى. سٶزٸنشە, جول اپاتىنا بايلانىستى حاتتاما وقيعا ورنىندا بولماعان باسقا ينسپەكتوردىڭ اتىنا تولتىرىلعان.
“تٷنگٸ ۋاقىتتا باسقا پوليتسييا قىزمەتكەرٸ كەلٸپ, قۇجات رەسٸمدەگەن. ال باستاپقىدا اقشا سۇراعان ينسپەكتور ول كەزدە بولماعان”,- دەپ قوستى زاڭگەر.
زاڭگەر جول اپاتىنىڭ ٶزٸنە دە نازار اۋدارۋ قاجەت ەكەنٸن ايتادى. ونىڭ ايتۋىنشا, اپات بولعان جەردە جول بەلگٸلەرٸ قويىلماعان, قاۋٸپتٸ بۇرىلىس ەسكەرتٸلمەگەن.
“مۇنداي جاعدايدا نەگە بارلىق جاۋاپكەرشٸلٸك تەك جٷرگٸزۋشٸگە ارتىلادى? جول قاۋٸپسٸزدٸگٸنە جاۋاپتى مەملەكەتتٸك ورگاندار نەگە نازاردان تىس قالادى?”, - دەيدٸ ول.
زاڭگەر بۇل ايتىلعانداردىڭ بارلىعى پوليتسييا قىزمەتكەرلەرٸ پارا الۋ كەزٸندە ۇستالعانعا دەيٸن بولعانىن ەرەكشە اتاپ ٶتتٸ. كەيٸن دەل سول قىزمەتكەرلەردٸڭ ۇستالعانى جەبٸرلەنۋشٸنٸڭ سٶزٸن راستاعان.
زاڭگەردٸڭ پٸكٸرٸنشە, بۇل جەكە بٸر قىزمەتكەردٸڭ ەمەس, جٷيەلٸ پروبلەمانىڭ كٶرٸنٸسٸ. ول مۇنداي جاعدايدا تەك ورىنداۋشىلار ەمەس, ولاردىڭ تٸكەلەي باسشىلارى دا جاۋاپكەرشٸلٸككە تارتىلۋى تيٸس ەكەنٸن ايتتى.
“مەملەكەت باسشىسى “ەگەر قىزمەتكەر جەمقورلىقپەن ۇستالعان بولسا, ونىڭ باسشىسى دا جاۋاپ بەرۋٸ كەرەك” دەگەن ەدٸ. بۇل - بٸرٸنشٸ جاعداي ەمەس. بٸراق سوعان قاراماستان, جاۋاپتى تۇلعالار ەلٸ دە قىزمەتٸندە وتىر”, - دەدٸ زاڭگەر.
زاڭگەر بۇل وقيعا قۇقىق قورعاۋ ورگاندارىنداعى ٸشكٸ باقىلاۋ مەن جاۋاپكەرشٸلٸك مەسەلەسٸن قايتا كٶتەرۋٸ تيٸس ەكەنٸن اتاپ ٶتتٸ.
