سەبەبٸ, بۇلارعا دەگەن سۇرانىس جوعارى. ەندٸگٸ جەردە پانتىمەن ەمدەلگەندٸ قۇپ كٶرەتٸن تۋريستەر مۇنداي شيپاجايلارعا جىل ونى ەكٸ اي بويى كەلە الادى. سۇرانىستىڭ ۇدايى ٶسٸپ جاتقاندىعىن ەسكەرگەن كەسٸپكەرلەر, ەلدٸڭ پٸكٸرٸن ەلەۋسٸز قالدىرماعان.
شىعىس قازاقستانداعى قاتون-قاراعاي اۋدانى ەلٸمٸزدەگٸ مارال شارۋاشىلىعىن دامىتىپ وتىرعان بٸردەن-بٸر ٶلكە. پانتىمەن ەمدەيتٸن ورتالىقتاردىڭ باسىم بٶلٸگٸ وسى اۋداندا ورنالاسقان. وسى كٷنگە دەيٸن بۇعى مٷيٸزٸنٸڭ قانىنا مامىر مەن شٸلدەنٸڭ ارالىعىندا عانا شومىلۋعا بولاتىن. بۇل تۋريستەر ٷشٸن تىم از ۋاقىت ەدٸ.
وسىنى ەسكەرگەن شيپاجاي يەلەرٸ ەم ٸزدەپ كەلگەن ازاماتتاردى قىستىڭ كٶزٸ قىراۋعا قاراماي قابىلداپ جاتىر.
قاتون-قاراعايداعى وسىنداي ورتالىقتىڭ يەسٸ نەزەركە اسقاروۆانىڭ ايتۋىنشا جازعى ماۋسىمدا كليەنتتٸڭ كٶپتٸگٸنە بايلانىستى ەمدەلۋشٸلەردٸڭ كٶپشٸلٸگٸ قابىلداۋعا ٷلگەرمەي قالادى. جازعى دەمالىستى بالا-شاعاسىنا ارنايتىندىقتان, پانتامەن ەمدەلۋگە ۋاقىت بٶلە المايدى. ال قىسقى ماۋسىم تۋريستەر ٷشٸن قولايلى ۋاقىت.
"كٷننٸڭ سۋىعىنا قاراماي كەلٸپ جاتقان تۋريستەر كٶپ. ەلدٸڭ تٷكپٸر-تٷكپٸرٸنەن اعىلىپ كەلۋدە, تٸپتٸ الىس-جاقىن شەتەلدەن كەلٸپ جاتىر. كٷنٸ كەشە مەسكەۋدەن بٸر توپ ادام كەلدٸ. ولاردىڭ قاتون-قاراعايعا قىزىعۋشىلىعى ەرەكشە, مۇنداعى تابيعاتقا تامسانىپ جٷر", – دەيدٸ شيپاجاي ديرەكتورى.
ەرەكشە ەم ٸزدەپ, ات ارىلتىپ كەلگەندەردٸڭ قاراسى ەندٸ قىسى-جازى ٷزٸلمەيٸن دەپ تۇر. بارلىعى دا ٶزدەرٸنە ىڭعايلى ۋاقىتتا شيپالى سۋ تٷسٸپ, دەنساۋلىعىن تٷزەۋگە نيەتتٸ. ايتا كەتەلٸك مارال مٷيٸزٸنٸڭ سورپاسى امين قىشقىلدارىنا باي. بٷگٸنگٸ تاڭدا قاتون-قاراعايدا 3500-دەن استام مارال بار. ەيتسە دە, بۇل كەسٸپتٸڭ ماشاقاتى دا جەتٸپ ارتىلادى.
"وسى سەبەپتٸ جازعى ماۋسىممەن شەكتەلٸپ قالماي, قىسقا ماۋسىمدا دا تابىس تابۋدى جٶن كٶردٸك جەنە سوعان لايىق جاعداي جاسايمىز. سەرۆيس دۇرىس بولسا, تۋريستەر قىسقى ۋاقىتتا دا كٶپتەپ كەلەدٸ", – دەيدٸ كەسٸپكەرلەر.
قاتون-قاراعايدا شاڭعى كۋرورتتارى دا كٶپتەپ اشىلىپ جاتىر. ايتا كەتۋ كەرەك, اۋداندا شاڭعى تەبۋ ماۋسىمى بيىل جىلداعىعا قاراعاندا ەرتە باستالدى. قازٸر تاۋعا كٷنٸنە مىڭعا جۋىق تۋريست كەلەدٸ. ەندٸ ولاردىڭ قاتارىن مارال مٷيٸزٸنٸڭ قانىن ٸزدەپ كەلۋشٸلەر كٶبەيتكەلٸ وتىر.
