ول مايدان شەبىنەن قايتىپ بارا جاتىپ، پويىزدا جازعان ۆيدەودا "شىعىسىمىزدى ەشكىمگە بەرمەيمىز" دەپ مالىمدەدى.
"وتان قورعاۋشىلارىمىزبەن: اسكەريلەرمەن، پوليسەيلەرمەن، ۇلتتىق گۆاردياشىلارمەن، اۋماقتىق قورعانىس وكىلدەرىمەن سويلەستىم. ولار وزدەرىنە سەنىمدى، ءبىزدىڭ جەڭىسىمىزگە كۇماندانبايدى. ەلىمىزدىڭ شىعىسىن ەشكىمگە بەرمەيمىز، وزىمىزگە تيەسىلىنىڭ ءبارىن قايتارامىز، تەڭىزدەر دە بىزدىكى بولادى، ءارى ءقاۋىپسىز بولادى" دەدى ول.
زەلەنسكيي ەلدىڭ شىعىسىنا بارىپ، پورتتاردىڭ قاۋىپسىزدىگى مەن بيداي ونىمدەرىن ەكسپورتتاۋ ماسەلەسىن دە تالقىلاعان.
"ۇستانىمىمىز انىق ءارى وزگەرمەيدى: حالىقارالىق قاۋىمداستىقتىڭ كومەگىمەن ءقاۋىپتىڭ بەتىن قايتارعان سوڭ الەمدەگى ازىق-تۇلىك داعدارىسىن الدىن الۋ ءۇشىن ۋكراينا قولدان كەلگەننىڭ ءبارىن جاسايدى" دەدى ۋكراينا باسشىسى.
بۇۇ رەسەي ۋكراينا پورتتارىن جاۋىپ تاستاپ، بيداي ەكسپورتىنا كەدەرگى كەلتىرىپ وتىرعانىن ايتىپ؛ سونىڭ كەسىرىنەن الەمنىڭ كەيبىر ەلىندە ازىق-تۇلىك داعدارىسى بولۋى مۇمكىن دەپ دابىل قاققان.
كرەمل ۋكراينا بيلىگى پورت جۇرەتىن تەڭىز جولدارىنا قويىلعان مينالارىن الماي وتىر دەپ كييەۆتى ايىپتاعان.
24 اقپاندا باستالعان سوعىستا رەسەي الدىمەن كييەۆكە شابۋىل جاساماق بولىپ، بۇل جوسپارى جۇزەگە اسپاعان. كەيىن ماسكەۋ اسكەري كۇشىن ۋكراينانىڭ شىعىسىنا اتتاندىرىپ، ءقازىر دونباسس ايماعىن الۋعا تىرىسىپ جاتىر.
https://dalanews.kz/del-qazir/78804-bolat-nazarbaevqa-ay-sayyn-300-myng-doll
https://dalanews.kz/saraptama/78536-respublikanyng-zhangartylgan-konstituc-2
