Ýkraina prezidenti Vladimir Zelenskii 18 maýsymda soǵystaǵy maidan shebi - Nikolaev oblysy men Odessa oblysyna baryp, áskerilermen kezdesip qaitty.
Ol maidan shebinen qaityp bara jatyp, poiyzda jazǵan videoda "shyǵysymyzdy eshkimge bermeimiz" dep málimdedi.
"Otan qorǵaýshylarymyzben: áskerilermen, politseilermen, ulttyq gvardiiashylarmen, aýmaqtyq qorǵanys ókilderimen sóilestim. Olar ózderine senimdi, bizdiń jeńisimizge kúmándanbaidy. Elimizdiń shyǵysyn eshkimge bermeimiz, ózimizge tiesiliniń bárin qaitaramyz, teńizder de bizdiki bolady, ári qaýipsiz bolady" dedi ol.
Zelenskii eldiń shyǵysyna baryp, porttardyń qaýipsizdigi men bidai ónimderin eksporttaý máselesin de talqylaǵan.
"Ustanymymyz anyq ári ózgermeidi: halyqaralyq qaýymdastyqtyń kómegimen qaýiptiń betin qaitarǵan soń álemdegi azyq-túlik daǵdarysyn aldyn alý úshin Ýkraina qoldan kelgenniń bárin jasaidy" dedi Ýkraina basshysy.
BUU Resei Ýkraina porttaryn jaýyp tastap, bidai eksportyna kedergi keltirip otyrǵanyn aityp; sonyń kesirinen álemniń keibir elinde azyq-túlik daǵdarysy bolýy múmkin dep dabyl qaqqan.
Kreml Ýkraina biligi port júretin teńiz joldaryna qoiylǵan minalaryn almai otyr dep Kievti aiyptaǵan.
24 aqpanda bastalǵan soǵysta Resei aldymen Kievke shabýyl jasamaq bolyp, bul jospary júzege aspaǵan. Keiin Máskeý áskeri kúshin Ýkrainanyń shyǵysyna attandyryp, qazir Donbass aimaǵyn alýǵa tyrysyp jatyr.
https://dalanews.kz/del-qazir/78804-bolat-nazarbaevqa-ay-sayyn-300-myng-doll
https://dalanews.kz/saraptama/78536-respublikanyng-zhangartylgan-konstituc-2
