بۇگىن «وزگەرىستىڭ سارۋارلارى» اكسەلەراسيالىق باعدارلاماسىنان تولىق وتكەن 18 الەۋمەتتىك جوبانى ارنايى سەرتيفيكاتتارمەن ماراپاتتادى. ەستەرىڭىزگە سالا كەتەيىك، جىل باسىندا «رۋحاني جاڭعىرۋ» قازاقستاندىق قوعامدىق دامۋ ينستيتۋتىنىڭ بازاسىندا «وزگەرىستىڭ سارۋارلارى» الەۋمەتتىك جوبالار باعدارلاماسى قولعا الىنعان بولاتىن.
باعدارلامانىڭ ماقساتى بويىنشا، قوعامدىق ماڭىزى زور ايماق كولەمىندەگى جوبالار ەلىمىزدىڭ وزگە وڭىرلەرىنە ماسشتابتالۋ ءۇشىن اكسەلەراسيانىڭ تولىق باعدارلاماسىنان وتكەن.
ءاۋ باستا جوبالار اراسىندا كونكۋرس ۇيىمداستىرىلىپ، 120 ءوتىنىش ءتۇستى. سونىڭ 46-سى عانا ىرىكتەلىپ، اكسەلەراسيانىڭ باستاپقى كەزەڭىنە قاتىسقانىمەن فينالدىق كەزەڭگە 18ء-سى عانا ءوتتى.
مىنە، «رۋحاني جاڭعىرۋ» ققدي باستاعان «وزگەرىستىڭ سارۋارلارى» باعدارلاماسىنىڭ ارقاسىندا بۇل جوبالار اكسەلەراسيانىڭ تولىق ساتىسىنان ءوتىپ، ءوز جۇمىستارىن رەسپۋبليكالىق كولەمدە ماسشتابتاۋعا مۇمكىندىك الدى.
– جوبا ۇكىمەتتىك ەمەس ۇيىمدار اراسىندا ۇلكەن قىزىعۋشىلىق تۋدىرىپ، «وزگەرىستىڭ سارۋارلارى» باعدارلاماسىنا قاتىسۋعا كوپتەگەن ءوتىنىش ءتۇستى. اكسەلەراسيانىڭ ناتيجەسىندە ءبىز «رۋحاني جاڭعىرۋ» باعدارلاماسىنىڭ باسەكەگە قابىلەتتىلىك، پراگماتيزم، ءبىلىمنىڭ سالتانات قۇرۋى، سانانىڭ اشىقتىعى، ەۆوليۋسيالىق دامۋ جانە ۇلتتىق بىرەگەيلىكتى ساقتاۋ سىندى بارلىق باعىتتارىن بويىنا سىڭىرگەن جانە جارقىن بولاشاققا ۇمتىلعان جاڭا جوبالاردى كوپشىلىككە تانىستىردىق. ەندىگى كەزەكتە بۇل جوبالاردىڭ بارلىعى «رۋحاني جاڭعىرۋدىڭ» برەند-امباسادورى جانە «وزگەرىستىڭ ەلشىلەرى» رەتىندە وزگە دە الەۋمەتتىك باستامالارعا ۇلگى بولادى، – دەدى «رۋحاني جاڭعىرۋ» ققدي باسقارما ءتوراعاسى دانيار ەسين.
«وزگەرىستىڭ سارۋارلارى» باعدارلاماسىنىڭ ءبىرىنشى ماۋسىمى مارەسىنە جەتكەنىمەن وعان قاتىسقان جوبالار ءارى قاراي دا «رۋحاني جاڭعىرۋ» ينستيتۋتى تاراپىنان قولداۋ تابا بەرمەك.
ماسەلەن، كەلەسى جىلى «وزگەرىستىڭ سارۋارلارى» كلۋبى قۇرىلىپ، الەۋمەتتىك باستامالار مەن جوبالاردى جاڭعىرتۋ جانە دامىتۋ ماقساتىندا القاقوتان جيىندار وتكىزەتىن ورتاعا اينالادى.
سونداي-اق، رەسپۋبليكالىق كولەمدە ساراپشىلار كەڭەسى قۇرىلىپ، جوبالاردى وڭىرلەرگە تاراتۋ ءۇشىن ەففەكتيۆتى جۇمىستار جۇرگىزىلەدى. بۇدان بولەك، «رۋحاني جاڭعىرۋ» ورتالىعىنىڭ جەتەكشىسى جانار بوقانوۆانىڭ ايتۋىنشا، ءىرى مەگاپوليستەر مەن وبلىس اكىمدەرىن اكسەلەراسيادان وتكەن 18 جوباعا قولداۋ كورسەتۋگە شاقىرماق.
ءوز كەزەگىندە اكسەلەراتور ساراپشىسى، «ترينت» قوعامدىق قورىنىڭ ديرەكتورى يۋليا ناتاروۆا اكسەلەراسياعا قاتىسقان جوبالاردىڭ بارلىعى جۇمىستارىن رەسپۋبليكالىق كولەمدە دامىتۋعا الەۋەتتى ەكەندىگىن ايتتى.
– ءاۋ باستا ىرىكتەۋ جاساعاندا دا رەسپۋبليكالىق كولەمدە دامۋعا مۇمكىندىكتەرى مول جوبالار قاراستىرىلدى. ءبىراق ولارعا كىشكەنە قولداۋ كورسەتىپ جىبەرۋ كەرەك بولدى. ناتيجەسىندە ءقازىر ولار ايماقتارعا ءوز فرانشيزالارىن ۇسىنىپ، وڭىرلەردە فيليالدارىن اشا الاتىن جاعدايعا جەتتى، – دەدى يۋليا ناتاروۆا.
جيىن سوڭىندا اكسەلەراسيانىڭ تولىق باعدارلاماسىنان وتكەن بارلىق جوبالارعا ارنايى سەرتيفيكاتتار تابىستالدى.
