ٶزبەكستان ٸشكٸ ٸستەر مينيسترلٸگٸنٸڭ وفيتسەرٸ بەرگەن مەلٸمەت بويىنشا, رەشيد قادىروۆ قان قىسىمىنىڭ كٶتەرٸلگەنٸنە شاعىمدانعان, ول شامامەن ەكٸ اپتا بۇرىن اۋرۋحاناعا اۋىستىرلعان.
پرەزيدەنت شاۆكات ميرزيياەۆ 19 مامىردا ەندٸجان وبلىسى ۋگۋكنور اۋدانىنا ساپارى كەزٸندە مەلٸمدەمە جاساپ, الداعى ەكٸ-ٷش ايدا بۇرىنعى باس پروكۋرور ۇلتتىق تەلەارنا ارقىلى حالىقتان كەشٸرٸم سۇرايدى دەدٸ.
– قازٸر (بۇرىنعى - رەد.) باس پروكۋرور بارلىق جاقتاستارىمەن بٸرگە تٷرمەدە وتىر. بٸرنەشە ميللليون دوللاردان ٶتكٸزٸپ جاتىر. ەكٸ-ٷش ايدان سوڭ مەن ونىڭ بارلىق تەلەارنالاردان اعىنان جارىلعانىن ۇيىمداستىرامىن. ٶيتكەنٸ ول بارلىق جەردە جەمقورلىق تاراتقان. ەربٸر اۋدان پروكۋرورىنان 30-40 مىڭ دوللاردان الىپ وتىرعان. ول – باۋكەسپە ۇرى. سول سەبەپتٸ پروكۋراتۋرا ورگاندارىنداعى قىزمەتكەرلەردٸڭ 70 پايىزى جۇمىستان شىعارىلدى. مەن وندا ادال نيەتتٸ ادامداردى تاعايىندادىم. ەلدەكٸم ساتقىندىق جاساسا, قادىروۆتىڭ جولىن قۇشادى, – دەدٸ پرەزيدەنت شاۆكات ميرزيياەۆ.
ٸٸم-دەگٸ دەرەك كٶزٸنٸڭ ايتۋىنشا, بۇرىنعى باس پروكۋرور رەشيد قادىروۆ ۇلتتىق تەلەارنالاردا اعىنان جارىلىپ, پرەزيدەنت پەن ٶزبەك حالقىنان كەشٸرٸم سۇراۋعا كەلٸسكەن.
ەسكە سالايىق, رەشيد قادىروۆ بيىل 22 اقپاندا "اقشا بوپسالاۋ", "قىزمەتٸن اسىرا پايدالانۋ", "پارا الۋ" ايىپتارى بويىنشا ۇستالدى.
66 جاستاعى قادىروۆ ٶزبەكستاننىڭ باس پروكۋرورى قىزمەتٸنە 2000 جىلى تاعايىندالىپ, 2015 جىلى سەۋٸردە قىزمەتٸنەن الىنعان. بيىل 5 ناۋرىزدا رەسپۋبليكانىڭ ٸشكٸ ٸستەر مينيسترلٸگٸ ونىڭ 39 جاستاعى ۇلى ەلٸشەر قادىروۆتى حالىقارالىق ٸزدەۋگە بەردٸ. قازٸرگٸ كٷنگە دەيٸن بۇرىنعى باس پروكۋرور مەن ونىڭ ۇلىنا جارتى ميلليارد دوللاردىڭ شاعىمدارى تٷسكەن.
