2030 جىلعا قاراي وزبەكستان 70 پايىز ەلەكتر ەنەرگياسىنان، 30 پايىز كۇن كوزىنەن قۋات الاتىن كولىكتەر شىعارۋدى جوسپارلاپ وتىر.
تەمىر تۇلپاردىڭ ارتقى جاعى تولىقتاي كۇن باتارەيالارىمەن جابدىقتالعان. 2 ساعاتتا قۋاتتالعان كولىك 800 شاقىرىمدى باعىندىرادى. ازىرگە الەمدە بالاماسى جوق.
وزبەكستاندا جىلدىڭ 320 كۇنى شۋاقتى. سوندىقتان ىرگەمىزدەگى كورشىمىز كۇن كوزىن ەكونوميكانىڭ بارلىق سالاسىندا ءتيىمدى پايدالانۋدى جوسپارلاپتى.
وسى باعىتتاعى تاعى ءبىر جاڭالىق – ەكو-كاپسۋلا نەمەسە شاعىن مەيمانحانا.
– ازاماتتاردىڭ دەمالىپ، ۇيىقتاۋىنا ارنالعان ەكو-كاپسۋلالار الداعى 2-3 جىلدا ۆوكزال، اەروپورتتارعا ورناتىلماق. ەكى قاباتتان تۇرادى. ءىشى اجەپتاۋىر كەڭ. ورتوپەديالىق ماتراس، كومپيۋتەر، ينتەرنەت، ۆاي-فاي، تەلەديدار، سالقىنداتقىشپەن جابدىقتالعان. ەسىگى تىعىز جابىلاتىندىقتان، سىرتتاعى شۋ ەستىلمەيدى. ءبىر سوزبەن ايتقاندا، جولاۋشىعا بارلىق جاعداي جاسالعان. باعاسى دا قولجەتىمدى، سوندىقتان مەيمانحانالاردى الماستىرا الادى، – دەيدى وزبەك ينجەنەرى فيرداۋس نەماتزودا.
اۆتورلارى: گۇلمايرا قۋاتباي قىزى، ابدۋللا يسايەۆ
دەرەككوزى: khabar.kz
