اقمولا وبلىسىنىڭ پد ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى ادامنىڭ اعزا مۇشەسىن ساتۋدىڭ جولىن كەستى، دەپ حابارلايدى Dalanews.kz Polisia.kz-كە سىلتەپ.
قارىزعا بەلشەسىنەن باتقان ەر ازامات ءوزىنىڭ بۇيرەگىن 18 مىڭ اقش دوللارعا باعالاپ، ينتەرنەت ارقىلى ساتۋعا تىرىسقان.
اۆتور جەلى قولدانۋشىلارىنا ءوز مۇشەسىن ساتۋدى ۇسىندى، ال الۋ وپەراسياسى تۋرالى بارلىق كەلىسىمدەردى قابىلداۋشى ۇيىمداستىرۋى كەرەك ەدى.
تانىمال الەۋمەتتىك جەلىدەگى ەرەكشە حابارلاندىرۋعا اقمولا وبلىسىنىڭ پد ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى نازار اۋدارىپ، دونورمەن بايلانىسقا شىقتى.
“بىرنەشە اپتا بويى پوليسەيلەر ارنايى جەدەل-ىزدەستىرۋ ءىس-شارالارىن جۇرگىزدى، ناتيجەسىندە ترانسپلانتاسيا جاساۋ جانە اقشا قاراجاتىن بەرۋ تۋرالى مامىلە جاسالدى. كۇدىكتى كوكشەتاۋ قالاسىندا اقشا بەرۋ كەزىندە ۇستالدى. العاشقى تەرگەۋ ارەكەتتەرى اياسىندا پوليسەيلەر ەر ادامنىڭ اقتوبە قالاسىنىڭ تۋماسى، ءبىراق ەلوردادا تۇراتىنىن انىقتادى”، دەلىنگەن حابارلامادا.
ەر ادام مۇنداي شاراسىز قادامعا ويىنعا تاۋەلدىلىكتەن جيناقتالعان قارىزدارعا بايلانىستى بەل بۋعانىن ايتتى. ءقازىر ءىستىڭ ءمان-جايى زەرتتەلىپ، تەرگەۋ امالدارى جۇرگىزىلىپ جاتىر.
