Aqmola oblysynyń PD uiymdasqan qylmysqa qarsy kúres basqarmasynyń qyzmetkerleri adamnyń aǵza múshesin satýdyń jolyn kesti, dep habarlaidy Dalanews.kz Polisia.kz-ke siltep.
Qaryzǵa belshesinen batqan er azamat óziniń búiregin 18 myń AQSh dollarǵa baǵalap, internet arqyly satýǵa tyrysqan.
Avtor jeli qoldanýshylaryna óz múshesin satýdy usyndy, al alý operatsiiasy týraly barlyq kelisimderdi qabyldaýshy uiymdastyrýy kerek edi.
Tanymal áleýmettik jelidegi erekshe habarlandyrýǵa Aqmola oblysynyń PD uiymdasqan qylmysqa qarsy kúres basqarmasynyń qyzmetkerleri nazar aýdaryp, donormen bailanysqa shyqty.
“Birneshe apta boiy politseiler arnaiy jedel-izdestirý is-sharalaryn júrgizdi, nátijesinde transplantatsiia jasaý jáne aqsha qarajatyn berý týraly mámile jasaldy. Kúdikti Kókshetaý qalasynda aqsha berý kezinde ustaldy. Alǵashqy tergeý áreketteri aiasynda politseiler er adamnyń Aqtóbe qalasynyń týmasy, biraq elordada turatynyn anyqtady”, delingen habarlamada.
Er adam mundai sharasyz qadamǵa oiynǵa táýeldilikten jinaqtalǵan qaryzdarǵa bailanysty bel býǵanyn aitty. Qazir istiń mán-jaiy zerttelip, tergeý amaldary júrgizilip jatyr.
