– ۇلىق اللانىڭ قالاۋىمەن بٸزدەر ۇلىلار وتانى اتانعان – وتىرار اۋدانىندا مۇسىلمان بالاسىنىڭ قاجەتتٸ دۇعا-تٸلەكتەرٸن بٸر اللا تاعالادان عانا سۇرايتىن, پەندەلٸك قاتەلٸكتەرٸ ٷشٸن كەشٸرٸم سۇراپ, تەۋبەگە كەلەر مەكەنٸ زەۋلٸم مەشٸتتٸڭ اشىلۋ سالتاناتىنىڭ كۋەسٸ بولىپ وتىرمىز. كٷمبەزٸ ۇزاقتان كٶز تارتاتىن مەشٸتتەردٸ قاي تۇرعىدان الساق تا, ەر پەندەگە جاقسى وي مەن ٸزگٸلٸكتٸ امالداردى ەسكە سالاتىنى بەلگٸلٸ. مەشٸتتەن اتتاپ ٶتۋگە ەشكٸمنٸڭ جٷرەگٸ داۋالامايدى. اللانىڭ قاھارىنان قورىققان جان قۇلشىلىق جولىندا جٷرمەسە دە, دٷنيەدەن قايتقان ارۋاقتاردىڭ رۋحتارىنا «قۇران» باعىشتاتىپ, ساداقاسىن سالىپ, باسىنا ساۋلىق, وتباسىنا اماندىق, ەل-جۇرتىنا تىنىشتىق تٸلەيدٸ, شىن جٷرەگٸمەن ەزٸلٸپ, شٷكٸرلٸك ايتادى. ەندەشە, جاڭا مەشٸت يماندىلىقتىڭ تەمٸرقازىعىنا اينالسىن, – دەپ ٸزگٸ تٸلەگٸن جەتكٸزٸپ, مەشٸتكە قاسيەتتٸ قۇران كٸتابىن سىيعا بەردٸ.
«ەسەن انا» مەشٸتٸن وتىرارلىق كەسٸپكەر ٶسكەنباي ٷسەنوۆ ٶز قارجىسىنا سالدىرىپ, كيەلٸ مەكەن حالقىنا تارتۋ ەتتٸ. ەلباسى نۇرسۇلتان نازارباەۆتىڭ «بولاشاققا باعدار: رۋحاني جاڭعىرۋ» ماقالاسىنداعى «تۋعان جەر» باعدارلاماسى اياسىندا قولعا الىنعان «تۋعان جەردٸ تٷلەتۋ – پەرزەنتتٸك پارىز!» اكتسيياسى اۋداننىڭ ەلەۋمەتتٸك ەلەۋەتٸنٸڭ ارتىپ, كەسكٸن-كەلبەتٸنٸڭ اجارلانۋىنا جوعارى دەڭگەيدە ٷلەس قوسىپ جاتقانى بەلگٸلٸ. وسى ورايدا, دٸڭگەگٸ تامىرلى ەلگە تەكتٸلٸكپەن مەن بەرٸپ, مٷمكٸندٸگٸن مەيلٸنشە حالىق يگٸلٸگٸنە بۇرعان اۋدانعا جاناشىر تارلانبوز كەسٸپكەرلەرگە اۋدان ەكٸمٸنٸڭ دە ايتار العىسى مول.
– مەشٸتتٸ سالۋ تۋرالى وي تۋعان جەرگە دەگەن ٸڭكەر سەزٸم مەن ىستىق ىقىلاستان تۋىندادى. رۋحانيياتقا تۇنعان, شەجٸرەلٸ تاريحتى مەكەننٸڭ حالقى قاي كەزدە دە ٶزٸندٸك رۋحاني بيٸكتٸگٸمەن ٷلگٸ بولۋى تيٸس. بٸزدٸڭ ەل مەن تۋعان جەرگە دەگەن ماحابباتىمىز پەرزەنتتٸك پارىزىمىزبەن كەلەشەك ۇرپاققا تەربيە بولىپ قالانارى حاق. رۋحاني ٶلكەدەگٸ رۋحاني سەرپٸلٸس, رۋحاني جاقسىلىق, جاڭالىعىمىز ازايماسىن. بابالار قالدىرعان تاريح ميراسىن جانداندىرۋعا, اجارلاندىرۋعا ٷلەس قوسۋ بارشامىزدىڭ پارىزىمىز. جەرلەستەرٸمدٸ تۋعان جەردٸ تٷلەتۋگە اتسالىسۋعا شاقىرامىن, – دەدٸ كەسٸپكەر ٶسكەنباي ٷسەنوۆ.
قايىرىمدىلىق شارالارىنىڭ بەل ورتاسىنان تابىلىپ, ٸزگٸلٸكتٸ ٸستەرگە ۇيىتقى بولعان جومارت جٷرەكتٸ ازاماتقا وتىرارلىقتار اتىنان جاڭاباي ەلسەيٸتوۆ اقبوز ات مٸنگٸزسە, ەل قارييالارى اق باتالارىن بەردٸ.
شارادا قر پارلامەنتٸ مەجٸلٸسٸنٸڭ ەكس-دەپۋتاتى ٶستەمٸر بەكتٶرەەۆ پەن زەينەتكەر ەبٸلقاسىم قۇلىمبەتوۆ جاڭادان اشىلعان يماندىلىق ورداسى اۋىل تۇرعىندارى عانا ەمەس, ٶسٸپ كەلە جاتقان جاستاردىڭ بويىنا يماندىلىق نۇرىن قۇيىپ, ەل-جۇرتتى بٸرلٸككە, تاتۋلىققا ۇيىتسىن دەگەن ٸزگٸ تٸلەكتەرٸن بٸلدٸردٸ.
جيىلعان جۇرت مەشٸت نامازىن وقىپ, بابالار رۋحىنا ارنالعان اسقا قاتىستى.
وتىرار اۋدانى ەكٸمٸنٸڭ باسپاسٶز قىزمەتٸ
