سەمينار بارىسىندا فەرمەرلەرگە رەسەيلىك «كۋبان» اگروحولدينگى مەن قازاقستاندىق «اگرويمپەكس» ءجشس-نىڭ ماماندارى «لادوجسكيي» گيبريدتىك جۇگەرى سورتتىنىڭ ارتىقشىلىقتارى تۋرالى اقىل-كەڭەستەرىن بەردى. سونداي-اق، ولار "لادوجسكيي" گيبريدتىك جۇگەرى سورتتىن ەكسپەريمەنت رەتىندە ەكى اۋداندا 3 گەكتار القاپقا ەگىپ كورۋ ماسەلەسىن كوتەردى.
وڭتۇستىك قازاقستان وبلىسىنىڭ كليماتى بۇل جۇگەرى سورتىن ەگۋگە وتە قولايلى دەيدى ماماندار. ەڭ باستىسى، اتالعان استىق جۇگەرىنى مال جانە قۇس شارۋاشىلىعىنا قۇراما جەم رەتىندە پايدالۋعا بولادى. قاجەتتى تەحنولوگيالاردى تولىق ساقتاعان جاعدايدا بۇل جۇگەرى سورتىنىڭ ءبىر گەكتارىنان 10-12 توننا ءونىم الۋعا مۇمكىندىك بار. ماسەلەن ناۋرىز ايىندا ەگىلگەن داقىل ءتۇرى جازدىڭ سوڭىنا قاراي ءونىم بەرە باستايدى. ياعني شامامەن 98 كۇندە ءپىسىپ جەتىلەدى. جۇگەرى سورتىنىڭ ەڭ باستى قۇندىلىعى - قۇرعاقشىلىققا، اۋرۋلار مەن زيانكەستەرگە ءتوزىمدى كەلەدى. «لادوجسكيي» گيبريدتىك جۇگەرى سورتتىن شارۋالار «اگرويمپەكس» ءجشس-نىڭ قويمالارىنان ساتىپ الۋىنا بولادى.
وقو اكىمىنىڭ باسپا ءسوز قىزمەتى
https://dalanews.kz/31582
