Otyrar men Saryaǵash aýdanynda synaq retinde «Ladojskii» gibridtik júgeri sorttyn egý qolǵa aldyndy
Ońtústik Qazaqstan oblysyndaǵy Otyrar jáne Saryaǵash aýdandarynda «Shymkent» Áleýmettik Kásipkerlik Korporatsiiasynyń bastamasymen «Zamanaýi tehnologiia boiynsha júgeri ósirý» atty seminar-keńes ótti. Sharaǵa atalǵan eki aýdannyń ákim orynbasarlary men aýyl sharýashylyǵy bólimderi jáne 100-ge tarta iri sharýa qojalyqtarynyń basshylary qatysty.
Seminar barysynda fermerlerge reseilik «Kýban» agroholdingi men qazaqstandyq «Agroimpeks» JShS-niń mamandary «Ladojskii» gibridtik júgeri sorttynyń artyqshylyqtary týraly aqyl-keńesterin berdi. Sondai-aq, olar "Ladojskii" gibridtik júgeri sorttyn eksperiment retinde eki aýdanda 3 gektar alqapqa egip kórý máselesin kóterdi.
Ońtústik Qazaqstan oblysynyń klimaty bul júgeri sortyn egýge óte qolaily deidi mamandar. Eń bastysy, atalǵan astyq júgerini mal jáne qus sharýashylyǵyna qurama jem retinde paidalýǵa bolady. Qajetti tehnologiialardy tolyq saqtaǵan jaǵdaida bul júgeri sortynyń bir gektarynan 10-12 tonna ónim alýǵa múmkindik bar. Máselen naýryz aiynda egilgen daqyl túri jazdyń sońyna qarai ónim bere bastaidy. Iaǵni shamamen 98 kúnde pisip jetiledi. Júgeri sortynyń eń basty qundylyǵy - qurǵaqshylyqqa, aýrýlar men ziiankesterge tózimdi keledi. «Ladojskii» gibridtik júgeri sorttyn sharýalar «Agroimpeks» JShS-niń qoimalarynan satyp alýyna bolady.
OQO ákiminiń baspasóz qyzmeti
https://dalanews.kz/31582
