«وتە ماڭىزدى» كىتابىندا كاسىبىن شاعىن نەسيە ۇيىمىنان باستاپ، قازاقستاننىڭ بارلىق وڭىرىندە فيليالدارىن وركەندەتىپ، قارجى كومپانياسىنا اينالدىرعان كاسىپكەردىڭ بيزنەس جولى، جەكە تاجىريبەسى، تۇيگەندەرى مەن بىلگەندەرى قامتىلعان. بۇل كاسىپ باستاۋعا نيەتتى كەز كەلگەن وقىرمان ءۇشىن پايدالى تۋىندى بولماق.
«وتە ماڭىزدى» كىتابىنىڭ تاقىرىبى ايتىپ تۇرعانداي، ءوز كاسىبىن دوڭگەلەتكىسى كەلەتىن كەز كەلگەن جانعا بيزنەستە نەنىڭ ماڭىزدى ەكەنىنە جول سىلتەيدى. ەگەر ءسىز ءۇشىن يدەيادان ىسكە، ىستەن تاجىريبەگە جەدەل ورلەۋ ماڭىزدى بولسا، ەندەشە «وتە ماڭىزدى» كىتابى سىزگە ارنالعان! كىتاپتا اۆتور تابىستى كاسىپكەر رەتىندە ءوزىنىڭ تولايىم تاجىريبەسىمەن ءبولىسىپ، بيزنەستىڭ قىر-سىرىمەن تانىستىرادى. جالپى، قازىرگى ۋاقىتتا جەكە كاسىبىن اشۋعا تالاپتانىپ جۇرگەن وتانداستارىمىزعا ارنالعان انا تىلىمىزدەگى ساۋاتتى كومەكشى قۇرالدار ساناۋلى. سول تۇرعىدان، بەلگىلى كاسىپكەر، مەسەنات دۋلات تاستەكەي وسى تەكتەس ەڭبەكتەرى ارقىلى قارجى نارىعىن قازاقشالاندىرۋعا دا ۇلەس قوسىپ جۇرگەنىن ايتا كەتۋ كەرەك.
ەڭبەك جالپى كاسىپكەرلىككە، بيزنەسكە قىزىعۋشىلىق تانىتقان بارشا وقىرمانعا، قالىڭ قاۋىمعا، جاستارعا، جوعارى وقۋ ورىندارىنىڭ ستۋدەنتتەرىنە ارنالعان. اۆتور بيزنەس تاقىرىبىن بۇگىنگى كوزقاراس تۇرعىسىنان ءجىتى سارالاعان، جەتە زەرتتەگەن. قازىرگى ۋاقىتتاعى بيزنەستىڭ جاڭا قۇرالدارىن يگەرسەم-بىلسەم، زەردەلەسەم، توقىسام، ۇيرەنسەم دەگەن كوزىقاراقتى كاسىپ باستاسام دەگەن جۇرتشىلىققا، اسىرەسە جاستارعا الار ءتالىم جەتىپ ارتىلادى. كىتاپ قاراپايىم تىلمەن جازىلعان. ەكى مىڭ دانا تارالىممەن AmalBooks باسپاسىنان جارىق كورگەن اتالعان كىتاپ كوركەم بەزەندىرىلگەن.
