"وتباسى بانك" ٶز قىزمەتكەرلەرٸنٸڭ زاڭسىز سىياقى العان بٸرنەشە دەرەگٸن انىقتادى. ولار كليەنتتەر مەن ريەلتورلارعا كٶمەكتەسٸپ, تۇرعىن ٷي كەزەگٸن العا جىلجىتقانى ٷشٸن اقشا العان. بانك بۇل فاكتٸلەردٸ جاسىرماي, قۇقىق قورعاۋ ورگاندارىنا ارىز تٷسٸرگەن. قازٸر بٸرنەشە قىلمىستىق ٸس تەرگەلٸپ جاتىر, دەپ حابارلايدى dalanews.kz.
بانكتٸڭ ەسەبٸنە سەيكەس, زاڭسىز سىياقى الۋ دەرەكتەرٸ 2025 جىلى انىقتالعان. كەيبٸر قىزمەتكەرلەر كليەنتتەرمەن قاتار ريەلتورلاردىڭ, نوتاريۋستار مەن جەكە سوت ورىنداۋشىلارىنىڭ مٷددەسٸن قورعاپ, ولاردىڭ مەسەلەسٸن شەشۋ ٷشٸن اقشا العان.
"2025 جىلى كليەنتتەردٸڭ, ريەلتورلاردىڭ, جەكە سوت ورىنداۋشىلارى مەن نوتاريۋستاردىڭ مٷددەسٸن ٸلگەرٸلەتۋ, تۇرعىن ٷي كەزەگٸن جىلجىتۋ ٷشٸن زاڭسىز سىياقى العان بانك قىزمەتكەرلەرٸ انىقتالدى", - دەلٸنگەن ەسەپتە.
تاعى بٸر زاڭبۇزۋشىلىق بانكتٸڭ فيليالدارىنىڭ بٸرٸندە تٸركەلگەن. قىزمەتكەر نەسيە العىسى كەلگەن ازاماتتاردىڭ تابىسىن جوعارى ەتٸپ كٶرسەتۋ ٷشٸن جالعان انىقتامالار دايىنداعان. بۇل قۇجاتتار كليەنتتەردٸڭ تٶلەم قابٸلەتٸن راستاۋ ٷشٸن نەسيە ٶتٸنٸمدەرٸنە قوسىلعان.
اتالعان فاكتٸلەرگە قاتىسى بار قىزمەتكەرلەر جۇمىستان شىعارىلدى. بانك ولارمەن ەڭبەك شارتىن «سەنٸمنەن ايىرىلۋىنا بايلانىستى» توقتاتقان. ال جينالعان ماتەريالدار قۇقىق قورعاۋ ورگاندارىنا بەرٸلٸپ, تەرگەۋ باستالعان.
