اقمولا وبلىسىندا ءبىر وتباسىنىڭ ءۇش مۇشەسى ولتىرىلگەن ءىس بويىنشا كۇدىكتىنىڭ جاعدايى بەلگىلى بولدى، دەپ حابارلايدى Dala News.
«ءقازىر بۇل ءىس بويىنشا ءبىز دە تەرگەۋدى قىلمىستىق كودەكستىڭ 99-بابى 3-بولىگى بويىنشا اياقتاپ جاتىرمىز. كۇدىكتى ءقازىر ستاسيونارلىق سوت-پسيحياتريالىق ساراپتامادا. ول رەاكتيۆتى پسيحوز كۇيىندە»، – دەدى ءىىم ۆيسە-مينيسترى سانجار اديلوۆ سەنات كۋلۋارىندا.
وقيعا 2026 جىلدىڭ ناۋرىز ايىنىڭ باسىندا اقمولا وبلىسى ارشالى اۋدانىنداعى جىبەك جولى اۋىلىندا بولعان. ءبىر وتباسىنىڭ ءۇش مۇشەسى قازا تاپقان.
الدىن الا مالىمەت بويىنشا، كۇدىكتى مارقۇمداردىڭ تۋىسى. ول قىلمىس جاسالعاننان كەيىن جەدەل تۇردە ۇستالىپ، ۋاقىتشا ۇستاۋ يزولياتورىنا قامالعان.
قازىرگى تاڭدا كۇدىكتىگە قاتىستى سوت-پسيحياتريالىق ساراپتاما جۇرگىزىلىپ جاتىر، تەرگەۋ اياقتالۋعا جاقىن.
