ورتالىق "جانۋارلارعا ۆاكتسينانىڭ كٷشەيتٸلگەن دوزاسى سالىنىپ, ونىڭ قاۋٸپسٸزدٸگٸ مەن ۋىتتى ەسەرٸ مۇقييات تەكسەرٸلگەنٸن" جەنە "اعزاعا اللەرگييالىق رەاكتسيياسىنىڭ جوقتىعى انىقتالعانىن" حابارلادى.
ۆاكتسينا سىناعىنىڭ ەكٸنشٸ كەزەڭٸن قازاندا باستاماق جەنە ەكپە 200 ەرٸكتٸگە سالىنادى دەپ جوسپارلانعان.
قازٸر ەلەمدە كوروناۆيرۋستىڭ جاڭا تٷرٸنە قارسى جٷزدەن استام ۆاكتسينا سىناقتاپ ٶتٸپ جاتىر. بۇعان دەيٸن قازاقستاندا رەسەي بيلٸگٸ تٸركەگەن, بٸراق ددسۇ كٷمەن كەلتٸرگەن "سپۋتنيك" ۆاكتسناسى كٶپ تالقىلاندى. ددسۇ رەسەيلٸك ۆاكتسينانىڭ بارلىق سىناق كەزەڭٸنەن ٶتكەنٸنە سەنبەيدٸ. مەسكەۋ بۇل كٷدٸكتٸ جوققا شىعارىپ وتىر.
12 تامىزدا قازاقستان پرەزيدەنتٸ قاسىم-جومارت توقاەۆ كٷزدە رەسەيگە ۆاكتسينانى ساتىپ الۋ بويىنشا كەلٸسسٶز جٷرگٸزۋگە دەلەگاتسييا جٸبەرەتٸنٸن ايتقان. بۇل قوعامدا ٷلكەن تالقى تۋدىرىپ, كەيٸن قازاقستان دەنساۋلىق ساقتاۋ مينيسترلٸگٸ بارلىق سىناق كەزەڭٸنەن ٶتپەگەن ۆاكتسينالاردى المايتىنىن مەلٸمدەگەن. ەلدٸڭ باس سانيتارلىق دەرٸگەرٸ ايجان ەسماعامبەتوۆا قازاقستان نارىققا العاش تٷسكەن ۆاكتسينانى ساتىپ الاتىنىن ايتقان.
تامىزدىڭ باسىندا مينيسترلٸك ۆاكتسينا شىقسا, حالىقتىڭ 11,5 پايىزىنا - سوزىلمالى دەرتٸ بار ادامدارعا, ٸندەتپەن كٷرەسەتٸن دەرٸگەرلەرگە, ۆيرۋس جۇقتىرسا قاۋٸپ توبىندا بولاتىندارعا - تەگٸن ەكپە سالاتىنىن مەلٸمدەگەن. ۆەدومستۆو "حالىقتىڭ قالعان بٶلٸگٸ ۆاكتسينانى ٶز قارجىسىنا سالدىرۋ كەرەك" دەدٸ. ياعني, ەكپەنٸڭ تٶلەمٸ مەديتسينالىق ساقتاندىرۋ قورىنان (مسق) تٶلەنبەيدٸ.
مسق - حالىقتى تەگٸن مەديتسينالىق كٶمەكپەن قامتاماسىز ەتۋ ٷشٸن قۇرىلعان قور. بيىلدان باستاپ رەسمي جۇمىس ٸستەيتٸندەر مەن ٶزٸن-ٶزٸ جۇمىسپەن قامتىعاندار اي سايىن جالاقىسىنىڭ بٸر بٶلٸگٸن وسى قورعا اۋدارىپ كەلەدٸ.
