قازاقستان مەديسيناسىنىڭ قىزىعىن ورىستىڭ كەمپىر-شالدارى كورۋدە. تاڭنىڭ اتىسىنان كەشتىڭ باتىسىنا دەيىن ءبىرىن-بىرى سۇيرەپ ەمحانا جاعالاپ جۇرەدى، – دەيدى جەلى قولدانۋشىسى جاراس كەمەلجان.
قاشان كورسەڭ دارىگەرلەرمەن ايعايلاسىپ، قۇقىعىن ايتىپ قۇقاي كورسەتىپ جاتقاندارى.
جاندارى سونداي ءتاتتى – ۇيىقتاي الماسا دا، جامان ءتۇس كورسە دە، دارىگەرگە كەلىپ قىرىق جىلعى اۋرۋىن ايتىپ، تەگىن اناليز وتكىزىپ، تەگىن ءدارى الىپ جاتادى. نەدەگەن باتپان قۇيرىق وسىلارعا؟
ءبىزدىڭ اكە شەشەلەرىمىز باسى اۋىرسا دا، بالتىرى سىزداسا دا، ىستىق شاي ءىشىپ ءبىر تەرلەپ الىپ شاۋىپ جۇرە بەرەدى عوي.
تەگىن ءدارى تۇگىلى، قانداي مەديسينالىق كومەكتىڭ بارىن بىلمەيدى.
ال انالار ءبارىن بىلەدى، ءتىپتى دارىگەرلەردىڭ جاعاسىنان الىپ "ماعان نەگە انا ءدارىنى، انا ءۆيتاميندى بەرمەيسىڭ؟ ول زاڭ بويىنشا بىزگە تەگىن بەرىلۋ كەرەك" دەپ قۇقىن قورعايدى.
اۋىرماسا دا، دارىگەرگە كۇندەلىكتى ءبىر كەلىپ كەتەتىندەرى دە بار. قولدارى بوس، تۋىس-تۋعانعا بارمايدى، ءىشى پىسقان سوڭ دارىگەرلەردىڭ جۇيكەسىن توزدىرىپ جۇرگەندەرى.
مەديسينا قىزمەتكەرلەرى دە ابدەن زارەزەپ بولعان. ەكى جىلدان بەرى بۇلاردى كۇندە كورىپ، مەن دە ىعىر بولدىم.
