Qazaqstan medısınasynyń qyzyǵyn orystyń kempir-shaldary kórýde. Tańnyń atysynan keshtiń batysyna deıin birin-biri súırep emhana jaǵalap júredi, – deıdi jeli qoldanýshysy Jaras Kemeljan.

Qashan kórseń dárigerlermen aıǵaılasyp, quqyǵyn aıtyp quqaı kórsetip jatqandary.

Jandary sondaı tátti – uıyqtaı almasa da, jaman tús kórse de, dárigerge kelip qyryq jylǵy aýrýyn aıtyp, tegin analız ótkizip, tegin dári alyp jatady. Nedegen batpan quıryq osylarǵa?

Bizdiń áke sheshelerimiz basy aýyrsa da, baltyry syzdasa da, ystyq shaı iship bir terlep alyp shaýyp júre beredi ǵoı.

Tegin dári túgili, qandaı medısınalyq kómektiń baryn bilmeıdi.

Al analar bárin biledi, tipti dárigerlerdiń jaǵasynan alyp "Maǵan nege ana dárini, ana vıtamındi bermeısiń? Ol zań boıynsha bizge tegin berilý kerek" dep quqyn qorǵaıdy.

Aýyrmasa da, dárigerge kúndelikti bir kelip ketetinderi de bar. Qoldary bos, týys-týǵanǵa barmaıdy, ishi pysqan soń dárigerlerdiń júıkesin tozdyryp júrgenderi.

Medısına qyzmetkerleri de ábden zárezep bolǵan. Eki jyldan beri bulardy kúnde kórip, men de yǵyr boldym.